自由泰人運動

自由泰人運動（Free Thai Movement），又叫自由泰運動，係二戰期間泰國嘅一個抗日愛國組織。

1941年12月8號，日軍進佔泰國。喺日軍嘅威逼利誘下，日泰訂立攻守同盟條約，1942年1月25號泰國向英美宣戰。當時泰國駐美國大使社尼·巴莫反對鑾披汶·頌堪政府執行親日政策，拒絕向美國遞交鑾披汶政府嘅宣戰書，並立即喺華盛頓宣佈建立自由泰人運動，好多泰國留學生同泰國大使館官員紛紛參加呢個組織。1942年7月喺英國嘅泰國留學生同泰國駐英使館官員亦建立咗自由泰人運動，領袖係素巴斯瓦德·斯瓦斯滴瓦德親王。比里·帕儂榮喺國內組織自由泰人運動。