臺灣

出自維基百科，自由嘅百科全書

呢篇文章講嘅係台灣島。想搵中華民國實際統治地區，睇下「臺灣地區」。

臺灣，別稱福爾摩沙（葡萄牙文美麗島咁解），係一個位於東亞大陸東南方，太平洋西方嘅一個島，東北面係日本嘅琉球群島，南面係菲律賓群島，西面就係中國大陸。面積有成三萬六千一百八十九公里；跨越亞熱帶同熱帶，氣候屬於季風氣候。

喺1949年中華民國國都搬咗去臺北，冇咗中國大陸之後，臺灣呢個名就普遍用嚟稱呼中華民國；例如佢喺世界貿易組織嘅正式名稱係「臺灣、澎湖、金門、馬祖獨立關稅區」。中華民國所統轄嘅領地包括台灣島同附屬島嶼、臺灣海峽嘅澎湖列島、近中國大陸東南沿岸嘅大小金門、馬祖列島、東引，同埋南中國海嘅東沙、太平等島嶼。