艾度迪華特

出自維基百科,自由嘅百科全書
跳去: 定向搵嘢

艾度·迪華特Edo de Waart1941年6月1號—)係荷蘭近代最叻 [未記出處或冇根據]指揮家。佢以指揮樂團歌劇節目出名,將一啲二流樂團轉變為一流嘅樂團,因而讚佢做「樂團建造家」。

理歷[編輯]

迪華特曾經喺阿姆斯特丹市嘅史韋琳克音樂學院(Sweelinck Conservatory)學雙簧管鋼琴及指揮學,1962年畢業;畢業之後第二年(1963年),阿姆斯特丹王家音樂廳樂團委任佢做助理首席雙簧管手。1964年23歲嗰陣,迪華特喺紐約市德米特裡·米特羅波洛斯指揮大賽攞獎。攞獎後,佢正式加入紐約愛樂樂團做助理指揮,一年內變成倫納德·伯恩斯坦嘅得力助手。

迪華特返返荷蘭之後,立即俾伯納德·海廷克委任做阿姆斯特丹王家音樂廳樂團嘅助理指揮。1967年,荷蘭管樂合奏組、鹿特丹愛樂樂團委任迪華特做呢兩個樂團嘅指揮,由1973年1979年擔任音樂總監。

迪華特喺1975年帶領三藩市交響樂團作首演,一年後做埋呢個樂團嘅總客席指揮,1977年1985年擔任樂團嘅音樂總監。由1986年1995年,出任明尼蘇達樂團總指揮。

迪華特多次巡迴演出之後,1989年返返荷蘭,俾荷蘭電台愛樂樂團委任做音樂總監,做到1994年辭職為止;之後更出任同一樂團嘅桂冠指揮。

1995年開始,迪華特正式擔任澳洲悉尼交響樂團總指揮及藝術顧問。2004年辭職,出任香港管弦樂團藝術總監及總指揮至今。

善長[編輯]

迪華特擅長指揮馬勒嘅作品。未來嘅日子,佢重會破天荒演奏華格納嘅歌劇。