旺角嘴

出自維基百科,自由嘅百科全書
(由芒角嘴跳轉過嚟)

旺角嘴,舊時寫望角嘴[1],原本叫芒角嘴,係香港,亦係一,喺今下九龍旺角嘅西面。大概係山東街砵蘭街一帶。

地理[編輯]

望角嘴原本係兩涌口中間嘅地方來嘅,一條係東北望角村流入來,而另一條係東南何文田村流入。兩水積成沙嘴。後尾涌水等地貌,經已沒喺樓房屋宇之下不復見。涌口約莫係今下近新填地街奶路臣街山東街之間一帶。

望角嘴東北係望角村,背靠有山仔,高一百卅三呎,因此水向望角嘴流。望角山仔向海邊突出,北面檔住望角嘴,望角或者因此叫角。

[編輯]

英國人得到九龍半島無幾耐,就將半島西岸大幅填海,由南而北,首先係尖沙嘴,然後油蔴地。望角嘴呢帶仍係鄉郊,田陌處處。

一八八七年,油蔴地差館街,近岸穿田,伸到去望角嘴。當其時就諗住喺望角嘴,填直海皮,逐少發展。

一九零二年,望角嘴同油蔴地市區,都早已連成一氣。而大家填地岸,亦遠離差館街,而望角嘴市區向北伸近望角。差館街亦向北伸,經望角九龍塘田寮元洲,駁去大埔道。條街亦有支路,去大角嘴塘尾深水埗等地。

地名沒落[編輯]

因為係填地嘅關係,而旺角重係鄉村,所以旺角嘴早過旺角發展。後尾旺角都發展埋,人就易將旺角同旺角嘴混淆。一九四七年重有旺角嘴個地名,一九六四年,旺角嘴亦不復見。旺角嘴都變咗旺角,旺角嘴有旺角碼頭。原本早早有嘅旺角嘴街市,轉名做旺角街市[2]。旺角嘴呢個名亦都畀人遺忘。

[編輯]

  1. 《香港華字日報》,光緒二十一年歲次乙未正月十五日,有新聞題叫《澤及旅人》,內文係「對海九龍,英屬等處,已建蓄水池,便民汲取,約本年底准可一律告竣,屆時尖沙嘴、油麻地、望角嘴、紅磡一帶,均有自來水洵洵,取之不窮,用之不竭矣。」原文無標點,家下加返方便讀。
  2. 香港法例132AO