花都

出自維基百科,自由嘅百科全書
(由花都 (廣州)跳轉過嚟)

座標: 23°24′20.4″N 113°13′21.7″E / 23.405667°N 113.222694°E / 23.405667; 113.222694

花都粵拼faa1 dou1),原本係叫花縣faa1 jyun6*2),係喺廣東廣州嘅一個市轄區,叫花都區,喺市北邊。中間改過做縣級市花都市,後來撤市改區。

地理[編輯]

地理上花縣係廣州嘅「北大門」,自古有「省城之屏障,南北粵之咽喉」嘅講法,向來都係軍事要地。[1]按照而家嘅行政建制,廣州市入邊嘅花都,東邊係從化,南邊係白雲區。喺市界外,北邊係清遠清城,西邊係佛山三水

[編輯]

大清乾隆時廣州府,圖中個字就係花縣,響省城白雲山以北。

花都一帶,秦國嶺南時,將佢歸入南海郡番禺縣。隋朝時改歸南海縣管。大宋嗰陣,花都呢帶係分畀番禺、南海兩縣管。

1686年,大清康熙二十五年,廣東省番禺縣近花山一帶,夾埋南海縣地,就開咗個新縣,叫花縣。花縣就仍然係廣州府管。19世紀,太平天國天王洪秀全,就響呢度出世。民國時期廢州府,花縣直轄於廣東省。

共軍入粵之後,花縣就掉來掉去,跟過江北專區珠江專區粵北行政區佛山專區。1960年4月劃做廣州市屬縣。1993年6月18號,縣改市,改名花都,變做花都市,由廣州市代管。2000年5月21號正式併入廣州市,變咗花都區

政區[編輯]

花都下有新華街道新雅街道秀全街道花城街道花山鎮花東鎮梯面鎮炭步鎮赤坭鎮獅嶺鎮

參考[編輯]

  1. 羊城古驿道拾遗——花都百步梯古道遗址 2018-02-05 南粵古驛道網 孙海刚,广州市岭南建筑研究中心 ;广州市国土资源和规划委员会推荐