苗族

出自維基百科,自由嘅百科全書
跳去: 定向搵嘢
苗族
Mèo(赫蒙族)
แม้ว或ม้ง
MiaoGirls.jpg
貴州松桃苗族自治縣嘅苗族少女
總人口
984.76萬[需要參考資料]
語言

苗語「門」語海南苗族所操嘅瑤語支語言)

宗教信仰

傳統信仰(如祖先信仰蚩尤信仰,萬物有靈),道教,其它外來宗教

苗族越南話Mèo泰文แม้ว / ม้งMaew / Mong 英文又叫Hmong)係一個源自中國嘅跨國民族,主要聚居響中國華南同埋東南亞。中國有8,945,538苗族人(2000年人口普查),佔總人口嘅0.72%,係中國第五大民族[1]。響越南,苗族叫做「H'mông」,有人口787,604人,排第八。

分佈[編輯]

苗族嘅銀飾

苗族由中國散出來,如今大約有八成嘅苗族人響中國,集中響西南同埋中南省份;東南亞嗰邊,苗族有唔少人響越南泰國老撾緬甸呢啲國家。1975年老撾人民民主共和國成立後,嗰處幾萬個苗族人變咗做難民,當中有一部分移咗民去美國法國

住響唔同地方嘅苗族人,有唔同嘅自稱,包括:「牡」、「蒙」、「毛」、「果雄」、「帶叟」。地方唔同,服飾都有唔同,會用服飾名稱加個「苗」字來稱呼,好似:「長裙苗」、「短裙苗」、「長角苗」、「紅苗」、「黑苗」、「白苗」、「青苗」、「花苗」、「小花苗」。苗族人多數信萬物有靈嘅原始宗教。

中國[編輯]

中國境內嘅苗族人,分佈響貴州湖南雲南重慶廣西湖北四川同埋海南八個省分,一共有8,653,417人,佔咗苗族人口嘅96.73%。其中貴州有4,299,954苗族人,佔苗族人口嘅48.07%,唔計漢族,就佢貴州最大嘅民族。湖南嘅苗族人佔苗族人口21.48%,雲南嘅佔11.67%。

東南亞[編輯]

越南老撾,苗族人係原居民族。

響泰國北部,亦都有苗族人聚居。根據2004年做嘅人口統計,當地苗族人口大約有12萬人,係嗰處第二大民族。佢哋大概響1819世紀嗰陣時,由中國西南地區移居過去泰北地區。緬甸撣邦亦有苗族原居民。

美國[編輯]

美國嘅苗族人,主要響加州明尼蘇達州威斯康星州,總共大概有17萬人。

名嘅爭拗[編輯]

  • 響國內,湘西嘅苗族自稱做「Xongb」(果雄)、黔東嘅苗族自稱做「Hmub」(牡)、雲南嘅叫做Hmaob(毛)……。除此之外,其他地方嘅苗人都自稱做「Hmong」(蒙)。
  • 響國外,幾乎所有苗族都講川黔滇方言川黔滇次方言第一土語,所以海外人士多認為Hmong係嗰班講唔同語言嘅苗族人嘅共同自稱。而所謂嘅「唔同語言」,響中國都當做係第一土語嘅次土語(例如:Hmong Daw次土語、Hmong Njua次土語),但係ISO就當做兩種「語言」來看待。

語言[編輯]

苗族人嘅語言,統稱做苗語,屬於苗瑤語族嘅苗語支。苗語曾經有過文字,但係就失傳咗。家陣中國嘅苗族用緊嗰套文字,係中國語言單位響1956年10月為中國嘅三大苗語方言釐定嘅拼音文字,用26個基本拉丁字母來標聲母韻母同埋聲調。各地嘅苗語各有不同,情形都幾複雜下。簡單來講,受漢文化影響越大嘅地區,語言就越趨簡化,用嘅漢字詞亦越多。

知名人物[編輯]

  • 東丹甘 苗族蘆笙演奏家,作曲家
  • 宋祖英(1966年8月13號-) 當代歌唱家
  • 宋布蘭(布蘭達宋,Brenda Song,1988年-) 美國著名演員
  • 王宝(Vang Pao,1931年-) 著名老撾苗族將軍
  • 王志明(1907年-1973年12月29號)
  • 沈從文(1902年12月28號-1988年5月10號) 著名作家 中國鄉土文學之父 佢嗰句「照我思索 能理解我 照我思索 可認識人」刻咗響湘西古城鳳凰東郊聽濤山上做墓志銘
  • 阿幼朵 (1980年4月29號-) 當代歌唱家,中國國家一級演員

文化[編輯]

參考[編輯]

  1. 按2000年第五次人口普查時間點,中國嘅苗族有8,945,538人,其中8,940,116人分布響31個省級行政區;現役軍人當中,有5,422人係苗族人。來源:中國第五次人口普查數據庫

出面網頁[編輯]