英國曲架

出自維基百科,自由嘅百科全書
跳去: 定向搵嘢
英國曲架
英國曲架

英國曲架English Cocker Spaniel)係曲架嘅一種。

起源[編輯]

英國曲架祖先喺西班牙嘅獵鳥犬。大約10世紀初,由西班牙帶到英國,變成英國種。至今係英國,( 前)英聯邦地區受歡迎嘅狗種之一。

外貌特徵[編輯]

  • 身高::38-43 厘米:38-41 厘米。
  • 體重:公:13-15千克;乸:12-15 千克。
  • 頭:頭頂圓,頰部唔闊。下頜呈方形,又短而又平,上唇蓋住下唇,牙又粗又大,好似較剪咁咬合;鼻個窿開張,鼻尖色黑。
  • 耳仔:耳根位置低;耳長而𨂽落嚟,佈滿長而密嘅波浪形修飾毛;耳仔質地軟棉棉,耳仔長到鼻哥。
  • 眼:眼又大又圓,表情豐富而且溫柔,眼珠深色。
  • 頸:頸嘅肌肉豐滿,稍為呈拱形。
  • 身體:體短而結實,肩適度傾斜,胸深而寬闊,肋骨適當擴張,背至尾幾乎成一條直線而略為斜落去;pet pet 幾圓,好好肌肉。
  • 四肢:四肢粗壯而短,肌肉發達。前肢企直立時,肘唔會凸出嚟;pet pet 好肉地,膝關節明顯彎曲,跗關節低,腳板大,有好多長修飾毛,不過唔影響活動。
  • 尾:剪尾,僅僅留番三分之一;尾平翹,與尾尖、背脊成一直線或高些少,興奮、開心嗰陣擺好快。

特性[編輯]

性情溫和,感情豐富,行事謹慎;性格開朗,活潑;精力充沛,熱情友好,機警敏捷,外觀可愛,服從性高,忠於主人。

用途[編輯]

過去用於打獵,現在多為寵物,show dog,睇門口嘅家犬。亦可做狗醫生緝毒犬

揀狗要點[編輯]

應該揀精力充沛、性情溫和、活潑開朗、機警。被毛要長而且呈波浪形,豐厚密實, 切忌又短又疏;眼要大要圓,眼神溫柔,眼珠深色;耳仔要長都𨂽到鼻哥,飾毛豐富,長而呈大波浪形。體軀結構緊湊,肌肉豐滿而結實,胸口要厚,背脊少少斜,短尾;四肢粗短,強健有力,頭要圓,後要闊同深,下頜短呈方形;指爪緊似貓爪,要行得好。

飼養要點[編輯]

曲架活潑好動,應保持適當運動量,每日比自由活動至少兩次。每日應定時定量咁餵,唔可以放任,防止過肥。因為毛長,最忌結成一嚿,所以每日都要梳刷毛,8-10 星期沖涼一次。傝耳狗好易患耳病,要勁常清潔耳道。眼亦應保持乾睜。趾甲易長,應按時修剪,贅生趾 (dew nail) 要除去。

[編輯]