茂名

出自維基百科,自由嘅百科全書
跳去: 定向搵嘢

座標: 21°39′56″N 110°55′15″E / 21.66556°N 110.92083°E / 21.66556; 110.92083

茂名
茂名市
茂名火車站
茂名火車站

花名:簡稱:茂;遞名:油城
茂名位置圖
茂名位置圖
經緯度 北緯21°40′″東經110°55′″
中華人民共和國 中華人民共和國
廣東
地級政區 地級市
市長 李紅軍
市委書記 梁毅民
總面積 11455 km²
人口
總人口(2010) 681.78萬人
時間
時區 中國時區(UTC+8

市花大紅花
網站 茂名市府

茂名粵讀:mau6 ming4雷州話:Bō͘-bêng;𠊎話:Meu-miàng;英文Mowming;普通話拼音:Maoming)喺中國廣東西部,家下係個地級市,叫茂名市大清時係個,叫茂名縣

佢分兩區一縣三縣級市,市政府喺茂南區,管埋縣級市高州市、化州市、信宜市,同埋電白縣,茂南區及茂港區。茂名市地有成1萬1459平方千米,總人口為700萬,其中市區人口接近80萬。因為市區附近有中國重點嘅煉油化工工業,所以有「中國南方油城」之稱。

佢郵編係525000,電話區號為0668。

地理[編輯]

茂名陸地面積為11459平方公里,其中山地有1300平方公里,海拔喺1000米以上山峰有近百座,其中以大田頂最為出名,因為佢山頂全年有霧,所以當地叫「大霧嶺」。茂名市有天然海島12個,海岸線220公里,有水東博賀蓮頭等大細港灣,其中博賀港廣東省著名漁港。

茂名市係處於兩廣交界,與廣東內接壤有陽江市同湛江市。

[編輯]

茂名有高涼山喺東北,舊時高州以其為名,而東山喺東[1]

[編輯]

茂名南濱海[1]

茂名北有竇江信宜入,東南流。左納雙柘水,到府治東北,鑑江水西流合埋,今又叫佢之石骨水。屈西南,過那射嶺化州。東南有浮山水,即三橋,出電白,西南到赤嶺赤嶺水,又西南入吳川[1]

氣候[編輯]

緯度位置同地勢影響,茂名市屬於亞熱帶季風海洋氣候,全市平均氣溫攝氏20到25度,平均相對濕度百分之七十到七十五,年降雨量約為1500到1800毫米,雨季較長,每年4月到9月係多雨期。同時每年6月到10月受熱帶風暴影響,其中7月到9月上旬熱帶風暴影響最為頻密。

行政[編輯]

茂名市政府轄有縣級市3個、2區及1縣。縣級市有高州市、化州市、信宜市,2區係茂南區茂港區以同埋縣城有電白縣。

[編輯]

茂名市名來源於人名,根據《高州府誌》記載西晉末,永嘉年間(307-313年),今高州,有個人叫做潘茂名,佢得到道士不死仙丹,以至去東山採藥煉丹為民治病,同時又用石船救水災災民,後人為咗紀念佢,特意將佢住過嘅山叫做潘山,煉丹所在地方叫做潘仙坡。後來鎮南大將軍馮遊來到兩山間,就建咗潘州茂名縣。另有史書記載,宋開寶五年(972年),廢潘州為高州,茂名改屬高州

明清時期,茂名仍為縣城兼高州府治。大清時有赤水平山巡司。亦有大陵廢驛[1]

中華民國期間,廢高州府,茂名縣先後屬於高雷綏靖處督辦南路行署第七專區所治。中華人民共和國成立後,茂名縣湛江專區所轄。

1954年,中共中央派地質隊勘察茂名縣南部,同埋電白縣西部,發現地下蘊藏容量驚人油頁岩田。隨後,國家批准喺茂名縣開採石油,重搞埋煉油化工。1958年,成立茂名工礦區城市籌建處,將茂名縣南部金塘、公館、鎮盛、鰲頭等地方正式以「茂名」建立茂名市,同時將原來茂名縣改為高州縣。

文化[編輯]

語言[編輯]

茂名市本地方言屬於廣府話分支,種類較多,但市內主要通用係同廣府話十分相近嘅本地語言,其他比如電白縣就主要通用黎話,但係黎話祗局限喺電白縣同茂港區部分地方使用。其餘各縣市方言基本與廣府話相近,其中化州話與廣府話喺發音上邊差異較大。

1958年建市初期,中國大陸各地有大量工人響應,均前往當地建市。時至今日,當年嚟到茂名參與建市嘅工人大部分已經喺當地生根,亦有人離開。留低喺度嘅亦有同當地人通婚,所以當地茂名人有少部分人識講比較標準普通話,同時亦能講標準當地方言。

飲食[編輯]

作為廣東一分子,當然係民以食為天。市區內大大細細食肆有幾百間,三茶兩飯一宵夜,由貴到便,由星級酒店美食到街邊大排檔,應有盡有,絕對能夠滿足招積食客要求。喺美食上,繼傳廣府傳統美食內,亦有本地傳統美食,例如碳燒生蠔、化州香油雞、「米乞」、牛雜等都係本地至有名嘅傳統美食,亦係外地遊客去到必試美食。

同時茂名因得天獨厚位置,有二百幾公里海岸線,當然海鮮係當地美食一個重要部分,每日下午博賀漁港都有來自各地海産批發商聚集,喺呢個港口可以批發到非常豐富海產,地道海產美食嘅整法亦都多不勝數,同時市內各大食肆都有海鮮美食提供,亦有專門海鮮食肆。

古蹟及歷史人物[編輯]

茂名市主要歷史古蹟包括:

茂名市主要歷史人物包括:

經濟[編輯]

石油工業[編輯]

茂名以石油開採同提煉工業著稱,但十幾年前,茂名石油化工公司已經唔開採油頁岩,單一進口石油並且進行提煉為主。從1958年至今,茂名石化已經發展成為茂名地區主要產業支柱之一,並且係華南地區最大嘅石油化工基地,屬下並包括乙烯分公司。茂石化生產能力同乙烯生產能力分別達到每年1800萬頓同100萬頓。同時茂石化年稅約高達20億人民幣。

農業[編輯]

茂名處於山地平原之間,地勢廣闊,又處於熱帶氣候,水資源旺盛,所以茂名一嚮又以「農業大市」自稱。每年盛產眾多水果,比如香蕉荔枝大樹波羅等,當中又以盛產優質荔枝有名,比如貴味妃子笑白蠟黑葉糯米磁等各種荔枝,以早產同多產為優勢,更遠銷東南亞及歐美多個國家。

交通[編輯]

公路[編輯]

現時境內有國道2條,高速公路一條,又有貫穿轄區內各縣市道路。

喺其後幾年內,將會有多條高速公路開通,並且成為公路運輸首選主力。呢幾條將會開通嘅高速公路係汕茂高速公路包茂高速公路

鐵路[編輯]

現時境內有一條鐵路貫穿茂名市區內東西兩邊,呢條鐵路係三茂線,嚮東能夠直通去珠三角,嚮西能夠去到湛江海南廣西,喺茂名市內設置站點有兩個,分別係茂名東站及茂名站。 同時喺其後一年,即2009年,另一條鐵路洛湛線將會開通,喺茂名境內電白縣接軌三茂線,呢條鐵路對茂名港口爭奪港口市場有重要意義。同時,廣東省現正規劃省內西部沿海高速鐵路,亦將途徑茂名市,並且在茂名設置站點,一旦開通,上廣州嘅時間將會大大縮短至三個小時內。

港口[編輯]

茂名除咗有好多漁港之外,重有一個大規糢嘅茂名港,呢個係一個可以對外運輸煉油同貨運嘅港口。

市內交通[編輯]

茂名市區內現時有十多條巴士線路,同時亦有十幾條專綫巴士直達各區市。呢啲巴士有冷巴亦有熱狗(即冇冷氣巴士),收費從一蚊至十蚊都有,市區內有編號巴士線路為自覺投幣,冷巴個半-3蚊,熱狗1-2蚊;專綫巴士線路多係有人賣票分段收費。 除咗巴士線路外,市區內亦有的士服務,起錶價係5蚊,夜間10點後係6蚊,同時結帳時候要徵收一蚊燃油附加費,每公里計價係2.6。

城市規劃[編輯]

嚮1958年建市時候,市區面積得10平方公里,人口係8萬人,主要區域係現時河西生活區、煉油廠廠區及露天礦礦區。經歷50年發展,茂名市區面積已經達到110萬平方公里,市區人口接近80萬。

但係由於城市急速擴展,亦都帶來諸多問題。好耐之前踩開單車嘅市民因為生活水平嘅提高,開始買私家車或者電單車,喺2001年私傢車數量為4萬架到2007年私家車數量增加到14萬架,以至市區內多條主要道路無法負荷交通擠塞問題。係2006年底開始,市政府開始着手重新規劃昇級多條主要道路,並且喺2007底將規劃付之實施,但喺市內多條主要道路大部分喺舊城區,舊城區又十分擠逼,冇多餘空地拓寬道路,所以喺呢次改造工程中,將存在主要道路上邊多年嘅單車徑鏟除(鏟除單車徑原因係因為踩單車市民急速減少,令到單車徑使用率減少,雖然政府所作所謂遭到市民多方投訴,但係政府最後都係落實咗方案),將原有雙方嚮四線行車改成六線行車,並且脩建多條人行天橋同設置多個有交通信號燈路口。

主要旅遊景點[編輯]

參考[編輯]

  1. 1.0 1.1 1.2 1.3 清史稿。志、地理。廣東
中華人民共和國廣東省行政區 省會廣州市 Flag of the People's Republic of China.svg
地級市 市轄區縣級市自治縣
廣州市 越秀區 | 荔灣區 | 海珠區 | 天河區 | 白雲區 | 黃埔區 | 番禺區 | 花都區 | 南沙區 | 增城區 | 從化區
深圳市 福田區 | 羅湖區 | 南山區 | 寶安區 | 龍崗區 | 鹽田區
珠海市 香洲區 | 斗門區 | 金灣區
汕頭市 金平區 | 濠江區 | 龍湖區 | 潮陽區 | 潮南區 | 澄海區 | 南澳縣
韶關市 湞江區 | 武江區 | 曲江區 | 樂昌市 | 南雄市 | 始興縣 | 仁化縣 | 翁源縣 | 新豐縣 | 乳源瑤族自治縣
佛山市 禪城區 | 南海區 | 順德區 | 三水區 | 高明區
江門市 蓬江區 | 江海區 | 新會區 | 恩平市 | 台山市 | 開平市 | 鶴山市
湛江市 赤坎區 | 霞山區 | 坡頭區 | 麻章區 | 吳川市 | 廉江市 | 雷州市 | 遂溪縣 | 徐聞縣
茂名市 茂南區 | 茂港區 | 化州市 | 信宜市 | 高州市 | 電白縣
肇慶市 端州區 | 鼎湖區 | 高要市 | 四會市 | 廣寧縣 | 懷集縣 | 封開縣 | 德慶縣
惠州市 惠城區 | 惠陽區 | 博羅縣 | 惠東縣 | 龍門縣
梅州市 梅江區 | 興寧市 | 梅縣 | 大埔縣 | 豐順縣 | 五華縣 | 平遠縣 | 蕉嶺縣
汕尾市 城區 | 陸豐市 | 海豐縣 | 陸河縣
河源市 源城區 | 紫金縣 | 龍川縣 | 連平縣 | 和平縣 | 東源縣
陽江市 江城區 | 陽春市 | 陽西縣 | 陽東縣
清遠市 清城區 | 英德市 | 連州市 | 佛岡縣 | 陽山縣 | 清新縣 | 連山壯族瑤族自治縣 | 連南瑤族自治縣
東莞市 冇縣級行政區
中山市 冇縣級行政區
潮州市 湘橋區 | 潮安縣 | 饒平縣
揭陽市 榕城區 | 普寧市 | 揭東縣 | 揭西縣 | 惠來縣
雲浮市 雲城區 | 羅定市 | 雲安縣 | 新興縣 | 鬱南縣

(註:廣州市深圳市副省級城市東莞市中山市嘅行政區係地級市、鎮兩級編製,無縣級編製。中華人民共和國政府將東沙群島
劃入廣東省管轄,不過無實際統治,參考台灣問題。)
(參考:中華人民共和國縣級以上行政區一覽中華人民共和國廣東省鄉級以上行政區一覽