范徐麗泰

范徐麗泰，大紫荊勳賢，GBS，JP（Rita FAN HSU Lai-tai，1945年9月20號—）係香港立法會前議員、前主席，又係港區全國人大代表。

屋企

范徐麗泰原本叫徐麗泰，祖籍浙江寧波，上海出世。

嫁咗畀老公范尚德之後，以香港官紳習慣，跟夫姓，叫做范徐麗泰。

范徐麗泰已婚，有一仔一女。1997年7月佢因為個女患病，將自己嘅一個腎移植畀個女。

2004年11月，佢老公因肝病死喺北京。

學業

范徐麗泰喺香港大學理學士、社會科學碩士。

政治生涯

范徐麗泰係香港立法會嘅獨立議員。佢喺殖民地時代，做過香港立法局議員、行政局議員、教育統籌委員會主席。佢亦都係當時立法局保安事務委員會主席，出名關注越南船民問題，但佢喺1992年，彭定康擔任港督之後，辭晒啲公職。佢曾經係香港政治團體啟聯資源中心（自由黨前身）嘅成員。特區政府成立前，選咗做臨時立法會主席；有人叫佢做「香港江青」 。1998年、2000年佢經由選舉委員會選為立法會議員，並且兩次打敗黃宏發，連任第一、二屆立法會主席。2004立法會選舉，佢以獨立候選人身分，喺港島區參選，攞到65000幾票當選。第三屆立法會主席嘅選舉之中，喺民主黨何俊仁挑戰之下，仍成功連任。佢嗰仔范駿華有隻馬匹叫「另具一格」。2007年7月17號，范徐麗泰宣佈，唔會參加2008年立法會選舉。

出面網頁

• 范徐麗泰網頁

上一任 黃宏發（立法局主席）	臨時立法會主席 1996年—1997年	下一任 臨時立法會結束，改為立法會主席
上一任 臨時立法會主席	立法會主席 1998年—2008年	下一任 曾鈺成