荔枝角道

出自維基百科,自由嘅百科全書
跳去: 定向搵嘢
荔枝角道京港酒店,近始創中心

荔枝角道英文Lai Chi Kok Road)係香港新九龍一條馬路。路綫大柢同長沙灣道,由旺角、經大角嘴,貫通深水埗長沙灣荔枝角為止。佢東南駁彌敦道,西北駁葵涌道,全長約莫3.6千米。當中西九龍走廊長沙灣尾落橋位,去到葵涌道天橋一小段,係5號幹線一部份。

[編輯]

最初只荔枝角道分兩段。第一段由望角(今日旺角)上海街,伸到去黃竹街,入最舊深水埗市區,到欽州街止到海邊。其後,由上海街伸長到彌敦道同水渠街交界,弼街街口。之後填海深水埗營盤,深水埗一段稍稍伸到九江街為止,到營盤為止。

而另一段係荔枝角嗰度,最初係荔枝角對出軍用填地。呢段即係家陣荔枝角消防局美孚新邨萬事達廣場荔灣道止。1960年呢兩段因為長沙灣填海,先至駁通。跟住荔枝角交匯處同葵涌道天橋起好。1970年代,美荔道起好,條街由美荔道同荔灣道一段,變成美孚新邨露天嘅萬事達廣場,唔畀車行,美荔道替咗佢個位。

各段[編輯]

荔枝角道係雙程路,每邊有兩到三綫,由旺角伸到去荔枝角。

旺角同大角嘴段[編輯]

雷生春,左係荔枝角道,右係塘尾道

荔枝角道係最早期一條馬路,畀車深水埗市區駁去九龍半島其他地方。呢段東南起自旺角彌敦道弼街水渠街大路口。去到旺角北便、深水埗同大角嘴交界嘅界限街黃竹街路口。中間主要路口有上海街廣東道塘尾道

呢段喺1920年代起,初時望角(家下旺角)重係村地。而當時九龍至旺嘅街係上海街,所以亦以佢為起點[1]。靠近塘尾,家下大角嘴重係來。過咗塘尾邊黃竹街,就入深水埗市區。

荔枝角呢段主要係住宅唐樓洋樓都有。旺角路口,對住始創中心,而路口三角地,叫旺角康民角,有環保署路邊監測站砵蘭街太子道西之間一段,有旺角維景酒店。去到塘尾道口,有古蹟雷生春大廈。

深水埗段[編輯]

由深水埗一段長沙灣道,望出欽州街口深水埗警署

荔枝角道深水埗段,貫穿深水埗最舊市區,由今日黃竹街同界限街交界個位,到欽州街口,當時欽州街經已係海皮[2]。呢段有幾個路口,有界限街、黃竹街口,有南昌街口,重有北河街桂林街,到欽州街。呢段荔枝角道,設計時比其他街闊落。

呢處主要都係唐樓同洋樓,標誌有南昌街明渠,不過經已冚密。近桂林街口有香港能仁書院

長沙灣段[編輯]

近東京街

由欽州街到甘泉街呢段,全段都喺長沙灣嘅填地之上。條路係曲尺形,喺長沙灣徑屈咗一屈。過長沙灣警署屈向蝴蝶谷

條路起法係跟填海,當時係由荔枝角同深水埗各有各填,而荔枝角道就各有各伸長,最後先至駁埋。最先填嘅係欽州街到東沙島街打出一段,為咗起深水埗營盤而起。但因為營盤都幾大,荔枝角道只伸到去九江街

長沙灣段呢主要街口有東京街發祥街興華街大南西街

呢段荔枝角道主要係公共設施為主,視野好闊,去到近荔枝角嗰邊,有工廠大廈同私人屋邨。欽州街口有深水埗警署,側邊有麗閣邨,去到東京街口。另一邊有深水埗公園深水埗泳池。東京街到發祥街,一邊有哥爾夫球場、另一邊有廢屠房,同埋蔬菜批發市場。發祥街到興華街,有香港專業敎育學院黃克競分校。興華街有長沙灣臨時家禽批發市場深水埗運動場。過通州街口宇晴軒昇悅居泓景臺三個私人屋邨長茂街長沙灣警署

荔枝角段[編輯]

荔枝角一段,只係單程入美孚。由同蝴蝶谷道葵涌道口開始,貼住葵涌道天橋,到美荔道為止。

呢段路1920年代就有,只不過當時未有名。最初佢駁住青山道,位置喺家下荔枝角消防局開始伸到家荔灣道,當時係填海邊,對住荔枝角灣。1920年代軍地[3],之後有煤倉油倉。後尾油倉變成美孚新邨。當時荔枝角道尾嘅荔灣道,叫荔枝角沙灘道,可以入去荔枝角灣泳棚。1960年代尾到1970年代初,荔枝角交匯處同葵涌道天橋起好,變成家咁樣。之後美荔道起好。美荔道到荔灣道一段,變成美孚新邨露天嘅萬事達廣場,唔畀車行。自此,去灣嘅路由美荔道替咗佢個位,而荔枝角道縮短少少到美荔道為止。

葵涌道天橋底可以轉入長沙灣道,掉頭出九龍市區。而荔枝角道尾直行係荔枝角大橋上橋位,直入葵涌道。葵涌道橋底,亦有美孚巴士總站。入巴士站嘅巴士全部經呢段荔枝角度入,經另一邊長沙灣道出。

呢段路主要有九龍巴士總部、美孚新邨、美孚巴士總站同荔枝角消防局。

[編輯]

  1. Kowloon Peninsula Sheet No. 4. War Office. 1924. 
  2. Lion Hill Sheet No.8. War Office. 1924. 
  3. Golden Hill Sheet No. 9. War Office. 1924.