荷蘭

Koninkrijk der Nederlanden

格言: Je Maintiendrai （法文，我會頂住）
官話	荷蘭話 弗里西話喺弗里斯蘭省亦都係官話
首都	阿姆斯特丹、海牙
女王	Beatrix 女王
首相	巴爾克嫩德
面積  - 總面積  - % 水面	列第 131位 4,1526 km2 18.41%
人口  - 總人口（2003年）  - 人口密度	第59位 1615,0511 477/km2
獨立時間  - 宣布  - 被承認	八十年戰爭 1579年 1648年
貨幣	歐元
時區	UTC+1
國歌	威廉頌（Het Wilhelmus）
國際域名縮寫	.nl
長途電話代碼	31

荷蘭（The Netherlands）位於歐洲大陸，係荷蘭王國嘅其中一個組成部份。佢位於歐洲西北部，瀕臨北海，同德國、比利時接壤。荷蘭海拔好低，好多地方接近甚至低過海平面。佢以海堤、風車同寬容嘅社會風氣出名。荷蘭有兩個首都，分別係阿姆斯特丹和海牙。阿姆斯特丹係憲法確定嘅正式首都，但係政府、女王嘅王宮同大多數使館都位於海牙。國際法庭亦都設喺海牙。

正名係Koninkrijk der Nederlanden（荷蘭話，音「尼德蘭」），意思係係「低窪嘅國」，係複數，係要加冠詞。日耳曼語系直叫 the Netherlands（英文），Die Niederlande（德文），而拉丁語系就意譯 les Pays-bas（法文），los Países Bajos（西班牙話）。

地理

成個荷蘭基本上都係平原，但係好多都低過海拔1米，有啲重低過海平面。所以荷蘭人成日都喺海邊起保護堤。

經濟

荷蘭因為係平原，農業好早就發展。荷蘭農產品出口係世界第三位，每年出口唔少花同奶類製品。

荷蘭喺十五世紀開始已經開始搞對外貿易，所以佢嘅銀行亦都係好出名。ING集團喺世界500強入面排第13位，而荷蘭銀行（ABN-AMRO Bank）就排第67位。

荷蘭自1999年1月1號開始用歐元。

歷史

喺羅馬人來呢個國家之前，一早就有日耳曼人嘅一支－巴達維亞人住喺呢道。對羅馬人來講，佢哋只不過係野蠻人，但經過羅馬文化嘅傳入，佢哋已經知道點樣去務農。

後來，荷蘭成為一個商業中心，有錢嘅商人用錢買咗自己住嘅城市，脫離當時嘅封建制度。

但係，法國國王不斷要求徵稅，重捉咗其中一啲英國嘅羊毛提供者，令英國喺出口遇到問題，荷蘭亦冇辦法如期做衫做生意，因荷蘭人支持英國同法國人嘅天敵勃艮第一齊攻打法國，即英法百年戰爭，原本英國嘅形勢十分之有利，但係因為聖女貞德等人嘅阻撓，英國戰敗。