梗

  想搵第二個意思嘅話，請睇梗 (搞清楚)。

  「莖」跳轉到呢度。想搵第個解，請睇「莖 (搞清楚)」。

竹嘅梗

梗（粵拼：gwaang2），植物研究學叫莖（廣州地區讀ging3；香港地區讀hang1），係植物嘅主要營養器官。佢承擔咗輸送、支持、儲藏同繁殖嘅緊要責任。地球上任何一樖喬木或灌木嘅植物絕對有梗。

樣

梗嘅樣大多數都係圓柱體兼直立嚟生，有每節之間嘅分化，可以生到葉同芽。佢出面之所以大多數係圓柱體，係因為同生理功能、地域環境有關。而入面個樣差唔多，從鋸木表面可以睇到有啲木嘅質地比較疏兼色淡，有啲木嘅質地比較密兼色濃，其實前邊嗰個叫早材，後邊嗰個叫晚材。每年生出嚟嘅早材同晚材夾埋一齊，變成一個圓環，其實就係話樖樹幾多歲嘅「年輪」。

作用

梗嘅作用係根從泥土吸返嚟嘅水同無機鹽係需要靠佢嚟送到葉嗰邊，而葉搞光合作用嘅產品都係通過梗送到各個植物「倉庫」去儲存。重可以撐住成樖嘢嘅樹冠，重將葉、花、果放喺空間嚟啱嗮光合作用，方便開花、結果同籽嘅散佈。尤其係基本組織，重有儲存營養嘅功能，而地下莖同部分地上莖可以用嚟繁殖。

分類

植物嘅梗有好多種，由於經過長時間嘅發展，所以出現咗好多唔同品種嘅梗。例如有直立梗、攀緣梗、匍匐梗、鱗梗、根樣梗同塊梗、波梗、葉梗、刺梗等。但大多數嚟講，直立梗品種比較多。

睇埋

• 根
• 葉
• 花
• 果

有關嘅書

• 中国少年儿童百科全书 自然·环境 第389页　　浙江教育出版社 ISBN 7-5338-1946-2/G·1942
• Raven, Peter H., Ray Franklin Evert, and Helena Curtis. 1981. Biology of plants. New York, N.Y.: Worth Publishers.ISBN 0-87901-132-7