菠蘿包

出自維基百科,自由嘅百科全書
跳去: 定向搵嘢
菠蘿包
新鮮嘅菠蘿包
較為常見嘅菠蘿包

菠蘿包粵拼: bo1 lo4 baau1),香港之外又叫波羅包菠蘿麵包,係香港流行嘅一種甜味麵包。因為菠蘿包焗過之後表面金黃色、凹凸脆皮就好似菠蘿咁,就以就有呢個名,所以菠蘿包實際上係冇菠蘿成分。

簡介[編輯]

菠蘿包嘅產生一種講法係因為早年香港人對原來嘅唔滿足,認為味道唔夠,因此喺包上加上砂糖等甜味餡料而成。菠蘿包外層表面嘅嘅脆皮,一般由砂糖、雞蛋麵粉豬油烘製而成,係菠蘿包嘅靈魂,為平凡嘅麵包加上咗口感,以熱食為佳。酥皮要做得香脆甜美,而包身就要軟身先好食。外形亦同日本蜜瓜包(或稱甜瓜包,メロンパン)同香港嘅墨西哥包相似。

香港[編輯]

菠蘿包係香港最普遍嘅麵包之一,差唔多每一間香港嘅餅店麵包店)都有賣菠蘿包,而唔少茶餐廳冰室亦有供應。一般作為早餐或點心食用居多。菠蘿包售價亦相當平,一般約港幣1.5至5不等,深受香港人歡迎。而除咗喺香港外,喺南中國地區亦都好普遍。

菠蘿包由於熱量脂肪膽固醇含量較高,曾被香港專家定為「十大不良零食」。

台灣[編輯]

菠蘿喺台灣叫做鳳梨,菠蘿麵包亦即「有住鳳梨表皮嘅麵包」。

喺台灣賣嘅菠蘿麵包同香港兩地嘅不同,而係源自日本蜜瓜包嘅變種。雖然喺外型上同港式菠蘿包相似,但係製作方式同味道並唔一樣。外層嘅脆皮主要由類似餅乾嘅麵糰製作而成。

2011年2月,台北市糕餅公會號召全台糕餅業者投票,結果出爐,菠蘿、蔥花、紅豆、奶酥拿下「四大天王」,堪稱最台嘅麵包,其中菠蘿麵包以壓倒性嘅票數攞到冠軍。

其他變化[編輯]

個別餅店或茶餐廳喺菠蘿包上加上變化,創新、特色嘅口味層出不窮,好似午餐肉菠蘿包、迷你菠蘿包、奶黃菠蘿包、紫菜菠蘿包、朱古力菠蘿包、芝士菠蘿包、椰絲菠蘿包同叉燒菠蘿包、加入生果味道嘅哈密瓜菠蘿包、藍莓菠蘿包、紅豆菠蘿包、士多啤梨菠蘿包等,甚至重有真正有菠蘿蓉或菠蘿片餡料嘅菠蘿菠蘿包。

睇埋[編輯]