華航四年大限

出自維基百科,自由嘅百科全書

華航四年大限(或者叫華航四年魔咒)係2002年中華航空611號班機中文中華航空611號班機空難後開始流傳嘅一個都市傳說,內容係推測每隔4年中華航空嘅客機就可能發生全機幾百人喪生嘅重大空難

由於響2002年嘅空難之前,華航響1994年1998年亦發生過200人以上喪生嘅空難,由於3次都咁啱相隔4年,因此民間同埋航空業界就傳出「四年大限」嘅謠言,並有人預言2006年係下一個大限年。然而事實上2006年華航並未發生空難,呢個傳說亦不攻自破。但2007年華航響那霸機場停機坪又發生飛機漏油爆炸嘅事故(參閱中華航空120號班機事故中文中華航空120號班機),雖然無人死或者受重傷,但就再次喚起啲人對呢個傳說嘅記憶。

背景[編輯]

雖然華航四年大限嘅謠言只係根據過去3次記錄做簡單嘅等差級數計算,並唔科學,但因為華航飛行安全紀錄響全世界航空公司之中排第尾[1],由1969年2007年間共發生13鑊重大事故[2],所以仍然令好多人抱住寧可信其有嘅謹慎態度,亦構成謠言得以響台灣甚至香港華南地區廣泛流傳嘅背景,反映出社會對華航飛行安全品質嘅唔信任。

事實上華航響嗰3次空難之間重有一次發生響1999年香港赤鱲角機場嘅嚴重意外(參閱中華航空642號班機中文中華航空642號班機空難),飛機降落失敗,上下翻轉引發大火,不過響地面人員搶救下傷亡得到控制,得3人死,50人重傷,因此冇被列入四年大限所指嘅空難之內。

四年大限所指嘅空難[編輯]

日期 班號 機型 發生地點 事故簡述 死傷
1994年4月26日 140號中文中華航空140號班機空難 空中巴士A300-600R 日本名古屋機場 降落失敗重飛嗰陣墜毀,俗稱名古屋空難中文中華航空140號班機空難 264人罹難
1998年2月16日 676號中文中華航空676號班機空難 空中巴士A300B4-622R 台灣中正機場 降落失敗重飛嗰陣墜毀響機場邊緣並衝入機場旁邊嘅住宅區,俗稱大園空難中文中華航空676號班機空難 機上196人、地面6人罹難
2002年5月25日 611號中文中華航空611號班機空難 波音747-200 台灣澎湖外海 金屬疲勞造成飛機空中解體,俗稱525華航空難中文中華航空611號班機空難 225人罹難

[編輯]

  1. 空難資料網(英文)
  2. 華航空難史12年來恐有700人斷魂 互聯網檔案館歸檔,歸檔日期2009年1月20號,.(臺灣正體)

出面網頁[編輯]