菲律賓

出自維基百科,自由嘅百科全書
跳去: 定向搵嘢
菲律賓旗

菲律賓粵讀fei1 leot6 ban1菲律賓話Pilipinas;英文:The Philippines),全名菲律賓共和國fei1 leot6 ban1 gung6 wo4 gwok3(菲律賓話:Republika ng Pilipinas,簡稱RP;英文:Republic of the Philippines),又繙飛獵邊fei1 lip6 bin1[1],係東南亞首都馬尼拉。佢全國都係,有成七千一日零七個,有千島之國之稱,面積大約三十萬平方千米。舊時廣東叫佢呂宋leoi5 sung3,由佢最大島呂宋島Luzon而名。連佢舊時宗主國西班牙都叫大呂宋,所以相反來講,菲律賓舊時亦叫小西班牙siu2 sai1 baan1 ngaa4

菲律賓以為界,東爲太平洋帛琉,南有印尼馬來西亞,西同北爲南中國海中華人民共和國,北爲巴士海峽中華民國台灣

[編輯]

政治[編輯]

而家總統菲律賓自由黨阿基諾三世,副總統係比奈,佢哋喺2010年6月上任。

人文[編輯]

民族[編輯]

構成菲律賓嘅民族主要包括他加祿人、伊洛戈人、邦班牙人、米沙鄢人同埋比科爾人。少數民族包括中國人印度人、阿拉伯人、西班牙人同埋美國人。

人口[編輯]

2008年估計全國人口大約有 9200 萬。

宗教[編輯]

根據2000年普查,菲律賓主要宗教羅馬天主教,大概有 80.9% 嘅國民信。

官方語言[編輯]

菲律賓嘅官方語言係菲律賓話同埋英文

標準時間[編輯]

內文: 菲律賓標準時間

經濟[編輯]

菲律賓晌第二次世界大戰之後,1950年代1970年代之間,同日本緬甸同屬亞洲最有國家之列;而家係新興工業國家同埋世界嘅新興市場之一。2006年,菲律賓俾世界銀行依購買力平價列為第36大經濟體。

菲律賓嘅經濟結構以農業同埋工業為主,尤其著重嘢食加工、紡織成衣同埋電子汽車組件等輕工業。大部分嘅工業集中晌馬尼拉大都會嘅市郊。另外,宿霧大都會亦成為吸引外國同埋本地投資嘅另一個地點。菲律賓嘅礦業有好大嘅潛力,有大量儲備嘅礦、同埋。近來晌帕拉灣外島發現嘅天然氣,都係菲律賓豐富嘅地熱水力同埋煤炭能源儲備嘅一部分。

菲律賓所得大約係 1455 美元2007年),算發展中國家,但係貧富差距好大;首都馬尼拉係國際購買力城市排第廿四。

貨幣名叫做菲律賓披索(Peso)。

海外勞工[編輯]

呢幾十年嚟菲律賓經濟都唔係咁好,之不過菲律賓做美國殖民地嗰陣,普遍英文能力好,菲律賓人係國際流動性最高嘅人民之一,菲律賓海外勞工(Overseas Filipino Worker,OFW)世界知名。年年有差唔多一百萬人晌外國做嘢,二零零五年佢地匯返返國嘅錢,將近一百億美元。呢個銀碼排晌印度、中國、墨西哥法國後便,係世界第五。不過由國內生產總值嚟睇,呢個數字佔生產總值13.5%,係前五國之中比例最高嘅,亦係菲律賓嘅經濟同埋幣值嘅支持。

旅遊業[編輯]

菲律賓有全球最正嘅海灘同埋潛水嘅地方,2009年又開咗世界級賭場度假村,令旅遊業成為菲律賓經濟嘅重要支柱,就講香港,平均每年都有大約十四萬人去嗰便遊埠

菲律賓政府以振興旅遊業做主要政策目標之一,政府嘅措施包括增強基礎設施建設,提高旅遊產品品質,整合自然、歷史同埋文化資源,鼓勵私人投資酒店設施,爭取地方政府支持,同埋積極推銷等等,從而想旅遊業幫手開好多工做同埋收入。

其中,菲律賓嘅主要目標係東亞遊客。2001年,菲律賓移民局為咗吸引遊客,同中華人民共和國外交部同旅遊部協議,放寬對中國公民申請去菲律賓嘅簽證嘅規定。 [2]到咗2010年1月4月,東亞地區嘅遊客已經佔菲律賓遊客總人數嘅42%。

2008年就吸引咗314萬旅客去遊埠。

2010年,嗰陣時嘅旅遊部長阿爾韋托林宣佈之後6旅遊業發展目標,主要包括實現年抵達遊客600萬人次,創造旅遊業收入187億美元,創造300萬個新嘅就業職位。

外交關係[編輯]

國內治安[編輯]

菲律賓政治長期動蕩、貧富懸殊,搞到社會秩序立立亂,成日有綁架。綁架案又多,參與嘅人又多,手段又惡劣,令菲律賓有「亞洲綁架之都」嘅惡名。綁匪除咗綁本國有錢人,重綁美國、歐洲、法國、南韓等國家嘅人。近來特別針對華僑、華人同埋去菲律賓嘅中國人,首先因為華人同埋菲律賓人之間兩極分化明顯;加上華人唔信警察,一旦發生咗綁架事件往往願意「私了」,寧願使了事。

而國內非法組織都當咗綁架係揾錢同埋打擊政府嘅最佳途徑。例如伊斯蘭恐佈主義組織阿布沙耶夫就策動過好多單綁架事件,甚至試過晌2000年越境去到馬來西亞綁架外國旅客卅幾人,勒取贖金。唔少國家同埋地區對菲律賓有旅遊警告(例如香港,睇馬尼拉人質事件)。亦有旅遊網站警告去菲律賓嘅旅客小心嗰度嘅罪案問題。

喺亞洲位置[編輯]

亞洲主要地理
菲律賓
亞洲主要地理

[編輯]

參考[編輯]