葡萄牙文

出自維基百科,自由嘅百科全書
(由葡萄牙語跳轉過嚟)
講葡文嘅地方

葡萄牙文粵拼pou4 tou4 ngaa4 man4*2葡文português),縮寫叫葡文。屬於印歐語系羅曼語族,發源自歐洲伊比利亞半島。喺全世界大概有2億7千萬使用者。除咗葡萄牙之外,重係巴西安哥拉莫桑比克等國家嘅官方語言。佢喺南美洲南半球都係最普及嘅語言之一。佢係歐盟以及多個美洲非洲國際組織嘅官方語言。

遍佈四個大洲嘅九個葡文國家組成咗葡萄牙文國家共同體,佢哋有共同嘅文化同歷史。共同體推廣葡文文化,政治外交上甚至教育、科技、健康等等領域都有合作。喺2005年嘅一次會議中,佢哋宣佈以5月5號為葡萄牙文文化日(葡文:Dia da Cultura Lusófona)。

西班牙加利西亞嘅官方語言加利西亞文同葡萄牙文非常之相似,基本上可以互相理解,有人認為係同一隻語言,都有人認為係兩隻好接近嘅語言。而葡文同西班牙文就冇辦法完全互相理解。

澳門特別行政區,有大概2%人口識講葡萄牙話,同時佢亦係澳門嘅官方語言之一。

土生葡文係一隻澳門嘅混合語,主要以葡文為基礎,有大量嘅馬拉話粵語英文等語言嘅借詞。喺澳門嘅歷史超過300年。由於澳門教育教授標準葡文、粵語同英文,忽視土生葡文,而家使用者已經剩返唔夠100人。佢同標準葡文有一定差異,比較難互相理解。

由於使用範圍遍佈全世界,所以都有好多本身唔係講葡文嘅國家都喺國內提供葡文教育,畀國民可以更容易接觸世界,尤其係喺南美巴西附近同一啲非洲國家。

文法[編輯]

葡萄牙文同其他羅曼語言一樣,有文法性別。例句:

A casa é linda.
指定冠詞 名詞(陰性) 動詞 形容詞
嗰(間)
O carro é lindo.
指定冠詞 名詞(陽性) 動詞 形容詞
嗰(架)

—根據葡文嘅文法規則,指定冠詞同形容詞都要喺性別上同隻名詞一致。上便兩句例句,喺指定冠詞上一句用咗陰性嘅 A 一句用咗陽性嘅 O,而喺形容詞上就係一句用咗陰性嘅 linda 一句用咗陽性嘅 lindo(兩隻字詞都係形容詞指,分別在於兩隻字詞性別唔同)—兩句都係做到指定冠詞同形容詞都喺性別上夾返隻名詞。

睇埋[編輯]