蓬金鐵

出自維基百科,自由嘅百科全書
跳去: 定向搵嘢
泰國「鐵金剛」拳手蓬金鐵
泰國「鐵金剛」拳手蓬金鐵嘅紀念碑頂上個青銅像

蓬金鐵泰文โผน กิ่งเพชร英文Pone Kingpetch,原先個名係:馬拉·絲多拔มานะ สีดอกบวบ1935年2月12號1982年)係泰王國嘅第一個世界王,響班武里府華欣出世。後生嗰時,響曼谷隆賓尼大拳場學拳術,得到名師指點,進步好快,十九歲就攞咗泰國嘅青年拳擊冠軍,1960年渠第一次挑戰世界次輕量級冠軍阿根廷巴斯高彼瑞斯(Pascual Pérez)就以點數擊敗對手,得咗次輕量級拳王嘅腰帶,收尾渠三次對陣日本拳手原田政彥,初戰失利,但係渠冇喪到氣,再戰擊倒對手,三戰又以點數擊敗對手成功衛冕,一時響拳壇畀傳為佳話。

到咗1965年,渠正式掛埋拳套,告別職業選手生涯,開辦武館教徒弟,培育咗一班泰國年輕嘅拳擊好手。點知1982年蓬金鐵響曼谷英年早逝,得47歲。渠嘅鄉下冇人唔記得渠,而家喺華欣市個市中心重有「蓬金鐵公園」,入邊最為顯眼就係渠嘅紀念碑,頂上個銅像表現渠比賽得勝之後極度興奮,響度振臂高呼,激勵後世嘅人要為國爭光。

出面網頁[編輯]