蔚山

出自維基百科,自由嘅百科全書
跳去: 定向搵嘢
蔚山
Ulsan montage.png
蔚山市貌
韓文名
諺文 울산 광역시
漢字 蔚山廣域市
文觀部式 Ulsan Gwangyeoksi
馬賴式 Ulsan Kwangyŏkshi
簡稱
諺文 울산
漢字 蔚山
文觀部式 Ulsan
馬賴式 Ulsan
概況
面積 1,056.4 km2 (407.9 sq mi)
人口 (2008) 112萬6,879
人口密度 Template:Convert/numdisp/frac表達錯: 未預料嘅 < 運算符表達錯: 未預料嘅 < 運算符 (表達錯: 未預料嘅 < 運算符表達錯: 未預料嘅 < 運算符/sq mi)
政府 蔚山廣域市政府
市長 朴孟雨
政區 4區1郡
地域 嶺南地方
方言 慶尚方言
位置
蔚山喺韓國嘅位置
蔚山喺韓國嘅位置

蔚山(蔚讀鬱,粵讀:wat1 saan1;韓文漢字:蔚山,諺文:울산,文觀部式拼音:Ulsan[1]正式名叫蔚山廣域市,係韓國東南部嘅城市,係面臨日本海嘅埠頭,位於釜山北面70公里處。

蔚山係韓國重要嘅大工業區,叫做蔚山工業區。蔚山有兩支波隊,一個係K聯賽足球會蔚山現代,一個係韓國國家足球會蔚山現代尾浦造船。蔚山嘅高校有蔚山大學。

[編輯]

古代[編輯]

三韓時代屬辰韓,西南部地方有于尸山國。中部地方形成咗屈阿火村。新羅時代蔚山畀幾個縣郡分治:中部係屈阿火縣,西部係居知火縣,西南部係于火縣,東北部係律浦縣,南部係生西良郡。統一新羅時代時,757年屈阿火縣、居知火縣、于火縣、律浦縣分別改名爲河曲縣、巘陽縣、虞風縣、東津縣。

中古[編輯]

高麗時代時,940年河曲、東津、虞風三縣統合、升格爲興麗府(又有名叫興禮府)。995年高麗全國分割成499個縣,興麗府降爲恭化縣,花名叫鶴城。1018年恭化、巘陽、機張、東萊四縣統合爲蔚州,1143年東萊、機張、彥陽又分出去。李氏朝鮮時,1413年蔚州升爲蔚山郡,蔚山呢個名開始作為當地地名。

近世[編輯]

1598年蔚山郡、彥陽縣統合升格爲蔚山都護府,1612年彥陽縣又分出去。1895年朝鮮全國政區改編爲23府336郡,蔚山都護府改叫蔚山郡、彥陽縣改叫彥陽郡。

1910年日殖期間,蔚山發展成工業城市、捕鯨基地;1914年彥陽郡合併到蔚山郡,1931年蔚山面升格爲蔚山邑,1937年方魚津面升為方魚津邑。

現代[編輯]

大韓民國成立後,韓戰期間北韓軍隊一度逼近蔚山。

韓戰結束後韓國工業騰飛,1962年2月1號將蔚山邑(家下中區)、方魚津邑(家下東區)、大峴面(家下南區)、下廂面(家下北區南部)、青良面嘅斗旺里、凡西面嘅無去里同茶雲里、農所面(家下北區西北部)嘅松亭里同花峰里合併成蔚山特別工業區

當年6月1號蔚山特別工業區升格爲蔚山市,其餘13個面改叫蔚州郡。1985年蔚山市搞區制,設咗中區同南區;1988年方魚津地方升為東區。1991年蔚州郡改名蔚山郡,1995年蔚山郡合到蔚山市,改編爲蔚州區;1997年蔚山市升爲蔚山廣域市,新設咗個北區,蔚州區復爲蔚州郡。

政區[編輯]

轄4區1郡:

姊妹城市[編輯]

註、攷[編輯]

  1. 蔚係通假字,通鬱,蔚山轄下嘅地名有蔚州,可查粵語審音配詞字庫個蔚字。另外可引鑑嘅係韓文讀音,蔚山讀울산/Ulsan,韓文漢字音保存咗中古漢音,後世演變中入聲尾-t有部分字音變成-l,而粵語無噉變;另,越南文該地名嘅漢越音讀Uất Sơn,亦可引證,具體可查越文版維基。