蔣介石
出自維基百科，自由嘅百科全書
蔣中正（1887年10月31號—1975年4月5號），字介石，以前中華民國官方會尊稱佢做「先總統 蔣公」。係中國軍事家同政治家，曾擔任中華民國總統同中國國民黨主席。佢響近代中國史上佔有舉足輕重嘅地位。佢係中國實現共和政體後，至今唯一一個統一過全中國，並同時統治過中國大陸同臺灣嘅領袖。
名 [編輯]
同唔少中國史嘅人一樣，蔣中正一生中有幾個名。下邊係佢常用嘅名號同埋稱呼。
| 性質 | 名 | 說明 |
|---|---|---|
| 譜名 | 周泰 | 喺族譜嘅名。 |
| 幼名 | 瑞元 | |
| 學名 | 志清 | 16歲喺寧波返學改嘅。 |
| 名 | 中正 | 1917年到1918年之間改嘅。 |
| 字 | 介石 | 1912年留學日本期間喺自創雜誌《軍聲》用嘅筆名，後來成為字 |
| 拉丁轉寫 | Chiang Kai-shek | Kai-shek 係「介石」嘅粵語音譯。 |
中國大陸地區好少用「中正」或「蔣中正」，而一般叫佢做「蔣介石」。喺有關八年抗戰嘅影視作品之中，成日按職務叫佢「蔣委員長」，委員長成為蔣嘅代名詞，中國人普遍接受呢個名；佢喺臺灣地區嘅正式名係「蔣中正」，或簡稱「中正」（威妥瑪拼音：Chung-cheng），例如臺北市區嘅蔣中正紀念館名係中正紀念堂、臺灣各地嘅文化中心名係中正文化中心，同埋臺灣最常見嘅路名：中正路。
講英文嘅外國人（特別係美國人）暱稱蔣中正為 Gimo，取自第二次世界大戰時蔣任軍事委員會委員長（即大元帥，Generalissimo）嘅英文簡寫。
蔣中正死咗之後，喺臺灣戒嚴時期，多數用抬頭嘅尊稱「先總統 蔣公」。隨住解嚴之後政治情勢改變，呢個寫法已經好少用。
出面網頁 [編輯]
|
||||||||||||||||||||
