蔴雀

出自維基百科,自由嘅百科全書
跳去: 定向搵嘢
一班北京市民喺度打麻雀

蔴雀係一種源自中國嘅四人遊戲。呢隻遊戲好考技巧、策畧、智慧、計數同運氣。至於有幾多運氣成份,就要睇玩法。響東亞,打麻雀多數係。亦有唔少電腦電視電子遊戲係玩打麻雀。

歷史[編輯]

內文: 麻雀史

麻雀前身叫「馬吊」,而「馬吊」就源自「葉子戲」。原本只係一副紙牌,但後嚟話說喺唔知邊個朝代,啲士大夫因為沈迷打蔴雀而荒廢朝政,搞到朝廷要下令禁止打麻雀,後嚟麻雀呢種遊戲傳咗去啲水上人度,因為水上人出咗海就唔怕朝廷禁令,但係喺船上面打蔴雀如果用紙牌唔單只容易濕仲好容易畀風吹走,於是就發展成而家嘅骨牌麻雀,之後麻雀解禁,又由水上傳返去陸上,麻雀就係咁由紙牌變成骨牌,一直流傳到而家。骨牌麻雀相傳係由一個叫陳魚門嘅寧波人改良而變成而家咁樣,由原本嘅「十字、萬字、索子、文錢四門」,變成只有「萬、索、筒」總共 108 張,又由於陳魚門係寧波人,寧波方言將麻雀讀為麻將,所以麻雀又叫做麻將,另外好似,原本係叫「和」,亦因為寧波方言原因而變成[1],但日本仍然保留叫返做「和了」。而到咗現代,線上遊戲嘅普及,又令到呢種古老遊戲以另一個形式興起。

玩法[編輯]

麻雀有好多玩法,一副牌有 144 隻,開局嗰陣會砌成四方陣,所以好多時打麻雀叫攻打四方城。玩嗰陣每人係有 13 或者 16 隻。靠砌成特定組合而贏,而贏嗰陣就有 14 或者 17 隻。如果打打吓唔覺意少咗隻牌,咁就食唔到糊(除非可以靜靜雞出術揍翻啱數)。有啲人叫多咗隻牌嘅雀友做「大相公」,少咗隻牌者做「小相公」[2]

參考[編輯]

  1. 麻將溯源
  2. 麻雀撲克粵語用語大全


Wikiversity-logo.svg
你可以去維基versity 參與發展 麻雀 嘅學習計劃。