蘇錦樑
出自維基百科，自由嘅百科全書
蘇錦樑，GBS，JP（Gregory So，1959年—）係一間律師事務所高級合夥人，而家民建聯副主席，香港商務及經濟發展局局長（2011年6月尾起）。蘇擁有過加拿大護照，宣佈任命做副局長後《信報》指佢有加拿大國籍。初期蘇錦樑接受訪問時，話國籍係私人資料[1]，唔方便回應，只係話任命冇違反香港基本法；之後，有人再發現有多幾個副局長有外國國籍或居留權，引發輿論；最後蘇錦樑喺5月29號宣佈放棄加拿大國籍[2]。
蘇錦樑後生時喺加拿大卡爾頓大學攞到經濟學士學位，同埋渥太華大學工商管理同法律雙碩士學位；2000至2003年做黃大仙區區議員同慈雲山分區委員會委員；而家係醫院管理局成員、嶺南大學校董同策略發展委員會成員。
蘇錦樑受曾鈺成喺1996年嘅一場電視辯論感動[3]，喺1997年加入民建聯，打文書工；佢做過民建聯附屬組職青年民建聯第一屆總監。
攷 [編輯]
出面網頁 [編輯]
|
|||||||||||||||||||||||
