虎門

出自維基百科,自由嘅百科全書
(由虎頭門跳轉過嚟)
  呢篇文講廣東一個海門。想搵東莞市轄下一個鎮嘅話,請睇虎門鎮
虎門到省城

虎門粵拼fu2 mun4英文Bocca TigrisBogue[註 1]),又稱虎頭門fu2 tau4 mun4),係中國一海門,喺廣東珠江獅子洋零丁洋之間,北面獅子洋爲內洋,南面零丁洋爲外洋。喺大清時守住珠江口,係通去省城要道。而東面外洋處,爲穿鼻,舊時係洋船寄椗,聽入省城嘅地方。

行政上,當今中華人民共和國計,虎門兩岸,東歸東莞市虎門鎮,西歸廣州市南沙區南沙街道

地理[編輯]

舊地圖嘅虎門、右標有川鼻爲寄椗之處

虎門喺零丁島西北偏北卅英里。由南向北上,東面地勢稍高,大清時屬新安縣。望左係虎門之南,有兩島,一叫龍穴,一叫三板洲。過島後。就到虎門,之東係穿鼻,之西係大角頭。穿鼻向虎門之角,叫沙角,有沙角礮臺。入虎門,過穿鼻,爲一灣,叫安臣灣。灣東有島叫亞娘鞋,而島上有鎮口,係虎門銷煙嘅地方。亞浪鞋向虎門面,有威遠礮臺。亞娘鞋對開,大角頭之間,有兩島,一南一北,叫下橫檔上橫檔。再北上,大角頭以北,亞娘鞋西北面,有三島,由南而北,叫大虎二虎三虎。沿水北上,就出虎門,是爲獅子洋,真係珠江水來。

礮臺[編輯]

清史稿》有講,虎頭門有五礮臺,分別威遠上橫檔下橫檔大角沙角。呢五礮臺喺唔同嘅島上,威遠喺亞娘鞋,上橫檔喺上橫檔,下橫檔喺下橫檔,大角喺大角頭,沙角喺穿鼻。佢哋鎮住珠江口,以防海賊入侵省城。

交通[編輯]

虎門大橋

1997年,起成虎門大橋,駁通虎門兩岸。

[編輯]

  1. 歐洲各文寫做Bocca Tigris,來自葡文,係虎門直譯。Bocca係、Tigris係。而另名Bogue,查實係Bocca訛音