蚊型國家

出自維基百科,自由嘅百科全書
跳去: 定向搵嘢
蚊型國家:西蘭公國

蚊型國家,有時又叫幻想國示範國家新國家項目,係任何好似獨立國家或者國家嘅實體,不過冇乜政府正式承認佢哋。好多時蚊型國家只係紙上談兵(虛擬),存在喺創造者心目中,寫響互聯網上面。蚊型國家唔同分裂或者民族自決運動,一般人認為佢哋只係偏激、玩嘢、懶戲劇性,通常係由一個人或者家族出嚟同維持落去嘅。

有啲蚊型國家甚至有自己嘅國旗,出自己嘅銀仔郵票護照、獎章等等嘅,呢啲嘢用嚟「實現」國家主權,同埋增加佢自己嘅合法性。

所謂「蚊型國家」(micronation)係響 20 世紀 90 年代整出嚟形容數以千計、超細、類似獨立國家、響嗰時出現嘅實體。之後有人用嚟形容再早啲,只不過存在過一陣,類似獨立國家嘅物體。最早講倒 19 世紀初期出現呢啲類似國家嘅物體。