蝶戀花

出自維基百科,自由嘅百科全書

蝶戀花粵拼dip6 lyun2 faa1)係一個詞牌,屬於中調(有60字),詞嘅格式長短錯落,上下二闕各押四仄韻,要求一韻到底。原來係教坊曲,個名源自南北朝一句樂府詩「翻階蛺蝶戀花情」,至於詞牌嘅確立有好多種講法,時間上大致係五代北宋時。呢隻牌好多時寫傷春之作,亦都有探究人生大義嘅作品。

其他名及來源[編輯]

呢個詞牌係有好多個名,有呢啲:

  • 鵲踏枝coek3 daap6 zi1
  • 鳳棲梧fung6 cai1 ng4
  • 黃金縷wong4 gam1 leoi5,縷可以讀成lau5)。
  • 捲珠簾gyun2 zyu1 lim4
  • 明月生南浦ming4 jyut6 sang1 naam4 pou2
  • 一籮金jat1 lo4 gam1),李石用過呢個名。
  • 江如練gong1 jyu4 lin6),賀鑄用過呢個名。
  • 西笑吟sai1 siu3 jam4),賀鑄用過呢個名。
  • 細雨吹池沼sai3 jyu5 ceoi1 ci4 ziu2),出自韓淲同名句。

鵲踏枝[編輯]

呢個詞牌嘅初創,比較多人話係南唐宰相馮延巳據唐代嘅教坊曲而作,後來佢呢首詞傳咗去南唐中主李璟度,皇帝睇咗幾鍾意就召佢入宮問首詞叫咩名,就話叫「鵲踏枝」。

呢個牌嘅曲調係繼承自唐代教坊曲,雖然到宋代時應該有所變換,不過節奏始終長短錯落,就好似雀仔喺枝頭跳來跳去噉,喺中國文化入面,喜鵲踏梅枝係吉兆,於是開始時叫「鵲踏枝」,後來南唐後主李煜重專門幫佢修訂調式。

蝶戀花[編輯]

「蝶戀花」呢個名源自南北朝樂府詩句「翻階蛺蝶戀花情」,之所以有呢個名,係因為「蝶落芳叢」係傳統文化常見嘅繾綣纏綿(音:顯勸 hin2 hyun3 cin4 min4意象

鳳棲梧[編輯]

呢個詞牌喺北宋時畀晏殊歐陽脩柳永蘇軾一班宋詞名家係噉填,填到出曬名,出咗好多名作,後來就升格爲「鳳棲梧」。

呢個名有個典故:相傳鳳凰咩樹都唔住,淨係愛梧桐,如果無梧桐樹,佢就寧願係噉飛都唔落去其他樹度唞。於是啲人將梧桐睇成係端正莊雅嘅樹。而梧桐又有遞個意象,就係秋天時佢會落葉,如果再落秋雨,就意味蕭瑟寂寞[1]。喺杜甫嘅《秋興》中有一句「碧梧棲老鳳凰枝」,呢句寫秋天嘅詩用咗典故,融合咗「高貴端正」同「蕭瑟寂寞」兩重意象,於是啲人就從中抽取咗「鳳棲梧」呢個名,所以話呢個名係將「蝶戀花」升咗格。

因為呢個名寓意好深好好,康熙年間編嘅《欽定詞譜》甚至將「鳳棲梧」定爲詞牌最正宗嘅名。

黃金縷[編輯]

因為呢個詞牌經常寫春天意象,而「黃金縷」嘅意指「啱出芽嘅柳枝」,所以噉嗌,語出馮延巳詞作「楊柳風輕,展盡黃金縷。」

明月生南浦[編輯]

出自司馬槱嘅《黃金縷》中一句「望斷行雲無覓處,夢回明月生南浦。」,又一種話出自呢位作者另一句「夜涼明月生南浦」。

捲珠簾[編輯]

語出趙令畤「不捲珠簾,人在深深院」,意象出於李白《怨情》「美人捲珠簾,深坐蹙蛾眉」。

格式[編輯]

仄仄平平平仄仄。仄仄平平,仄仄平平仄。仄仄平平平仄仄(或仄平仄),平平仄仄平平仄。
仄仄平平平仄仄。仄仄平平,仄仄平平仄。仄仄平平平仄仄(或仄平仄),平平仄仄平平仄。

名作[編輯]

  • 蘇軾
花褪殘紅青杏小,燕子飛時,綠水人家繞。枝上柳綿吹又少,天涯何處無芳草?
墻裏鞦韆墻外道,墻外行人,墻裏佳人笑。笑漸不聞聲漸悄,多情卻被無情惱。
  • 馮延巳
誰道閑情拋擲久?每到春來,惆悵還依舊。日日花前常病酒,不辭鏡裏朱顏瘦。
河畔青蕪堤上柳,爲問新愁,何事年年有?獨立小橋風滿袖,平林新月人歸後。
  • 晏殊
檻菊愁煙蘭泣露。羅幕輕寒,燕子雙飛去。 明月不諳離恨苦。斜光到曉穿朱戶。
昨夜西風凋碧樹。獨上高樓,望盡天涯路。 欲寄彩箋兼尺素。山長水闊知何處?
  • 柳永
佇倚危樓風細細,望極春愁,黯黯生天際。草色煙光殘照裏,無言誰會憑闌意?
擬把疏狂圖一醉,對酒當歌,強樂還無味。衣帶漸寬終不悔,為伊消得人憔悴。

軼事[編輯]

清末國學大師王國維喺佢嘅名著《人間詞話》提出咗有名嘅「三種境界」,都用咗宋詞金句來比喻,其中第一、二境界用嘅句都係出自「蝶戀花」呢個詞牌,得第三境界係用辛棄疾嘅《青玉案·元夕》,可見呢個牌出咗好多流傳千古嘅作品。

古今之成大事業、大學問者,必經過三種之境界:「昨夜西風凋碧樹。獨上高樓,望盡天涯路」,此第一境也。「衣帶漸寬終不悔,爲伊消得人憔悴」,此第二境也。「眾裏尋他千百度,驀然回首,那人卻在燈火闌珊處」,此第三境也。

註、攷[編輯]

  1. 呢個意象喺李清照嘅「梧桐更兼細雨、到黃昏點點滴滴」至體現到