血壓

出自維基百科,自由嘅百科全書
跳去: 定向搵嘢

血壓(blood pressure)係指血管入面,喺單位面積上嘅側壓力,即壓強。習慣用毫米汞柱單位

動脈血壓則指嘅係血液對動脈血管嘅壓力,一般指主動脈壓。而平均血壓就係 (收縮壓+ 2 x 舒張壓)/3

心臟有收縮同放鬆期,當心臟收縮,左心室就會將血液泵出到主動脈,主動脈壓產生最高血壓,又稱收縮壓。跟住心臟會舒張,血液流入右心房,呢個時候壓力最低,稱為低血壓或舒張壓。

血壓嘅量度單位[編輯]

血壓嘅量度單位係毫米水銀,根據世界衛生組織1999年嘅指引,120/80以下係理想嘅收縮壓/舒張壓,139/89以下係正常血壓,140/90至160/95係偏高血壓,161/96以上便屬於高血壓。血壓令血液於動脈裡正常輸送至全身,若血壓過低,就無法將血液供應全身,相反,血壓過大,有可能令血管受損,亦反映血液或心臟可能出現異常。 血壓會受到以下因素影響:

  1. 身高:身體越高,心臟就需要更大壓力去泵出血液,令血液流遍全身
  2. 年齡:年紀越輕,新陳代謝率越高,血流量較大,心臟需要較大壓力泵血。
  3. 血黏度(血液密度):血液越黏稠,心臟需要越大壓力泵出血液
  4. 姿勢:站立時血壓高於坐姿血壓,而坐姿時嘅血壓又高於平躺時之血壓。因受重力原理影響
  5. 血管質素:血管如果變窄,血液較難通過,心臟就要用更大壓力泵出血液
  6. 其他:精神狀態、生活節奏、個人差異、飲食習慣、藥物遺傳、天氣變化等等

量度[編輯]

以前採用水銀血壓器量度手臂嘅血壓,但由於需要受過訓練,唔適合一般人使用。一般人或家庭會用電子血壓計,但需要留意準確度同量度位置。而量度時,應保持心境平和,避免情緒影響血壓,因而量度錯誤。

睇埋[編輯]