衾棉胎，俗寫襟棉胎，台灣叫心臟病，係一種適合好多人一齊玩嘅啤牌遊戲，主要係玩鬥反應快。
遊戲規則係將52張牌按人數平分，攞到牌後唔准睇自己啲牌，將牌反轉放響自己前面。大家輪流嗌1、2、3直到King，同時將牌放響中間。假如數字同版面一樣，就要鬥快拍落去，拍得最慢嗰個就要攞晒出面啲牌。邊個最快出晒啲牌就贏，最慢就輸。
