西港城
西港城（英文：Western Market）係香港上環一座商場，喺德輔道中323號。
北座[編輯]
西港城嘅前身係舊上環街市北座，喺1906年起，用英國愛德華式建築風格，用紅磚砌花崗石造地基，底層入口有個大圓拱，有歷史價值。大樓最初係船政署總部舊址，後來成為街市。舊上環街市北座自1989年起空置。
1990年，呢度俾港英政府嘅古物古蹟辦事處列為香港法定古蹟。1991年，由土地發展公司（即係而家嘅市區重建局）將大樓全面修葺，改造成具有香港文化特色嘅傳統行業同埋工藝品中心。係2003年由市區重建局再做活化工程，加添咗主題餐廳同埋幾間特色鋪頭。[1]
西港城裏面部分舖頭，原來係附近一帶嘅老字號，當中包括古玩同埋特色手工藝品。2樓嘅布匹專賣店，都係由已經遷拆嘅花布街（中環中心現址）搬過嚟西港城嘅。
西港城原本有上下2層，修葺期間起多2層，成為共4層嘅建築，頂樓開咗間懷舊舞酒樓，叫做「大舞台」，樓底特高，係想走高檔賣點嘅食肆。
南座[編輯]
1983年上半年，舊上環街市南座因為起地下鐵路港島綫第二期建築工程而拆咗，原址重建為上環市政大廈。其中地下至二樓三層係現時嘅上環街市（Sheung Wan Market）。
相[編輯]
-
西港城附近嘅路面美化特色 -
西港城地標 -
2008年嘅農曆新年
-
西港城大舞台飯店 -
婚宴喺西港城 -
西港城嘅頂層
交通[編輯]
- 香港電車上環總站，喺西港城東邊。
亦可以搭新巴18、905、914，港鐵亦都去到上環站B出口。
附近[編輯]
參考[編輯]
- ↑ 保育樓宇 - 西港城 互聯網檔案館嘅歸檔，歸檔日期2008年5月23號，.，市區重建局
連出去[編輯]
