西環 (四環)

出自維基百科,自由嘅百科全書
跳去: 定向搵嘢
西環日落

西環Sai Wan),原稱西灣,又叫西區Western DistrictWestern),係香港地名,喺香港島北岸,香港城四環之一。西環有窄義,收窄專指堅尼地城一帶,或七號差館一帶,因爲同West Point混合之故。而香港城嘅西環,東起東邊街,過西營盤石塘嘴堅尼地城摩星嶺,西到域多利道,而南便係薄扶林

[編輯]

環係唐人對聚居地嘅法。

英國人北岸開香港城,唐人先後居近英人。先有中環及上環,後有下環。但當時未有西環,因爲西環未填海,只有西灣,卽係擸𢶍灣,洋名卑路乍灣。西灣有村。香港人由上環向西批地,有西營盤,有石塘嘴。之後西灣填海,伸到堅彌地城。及來英人順應唐人分法,香港城分成四環九約。西環係其中之一。

舊陣時四環中嘅西環,係港島好背嘅地方。好多中國各地船隻,泊響呢處,帶旺呢個環頭嘅咕喱同埋貨倉。第二次世界大戰之前,石塘嘴係有錢人飲宴應酬之地。

一九九七年,香港主權由英國移交中國。而中聯辦位於西營盤干諾道西一百六十號,同西區警署相隔一街。由於西營盤位處闊義西環,同香港政府嘅中環一對。時人亦諷之爲西環,視爲中國干政。周潤發並不同意該地叫西環,指正嗰處係西營盤同石塘咀中間[1]

風物[編輯]

區內有好多舊式樓宇,即如太白台。戰前有錢唐人鍾意喺呢度打蠆,貪佢空氣好又望到海。戰後樓宇日久失修,外表殘舊。

交通[編輯]

西環嘅堅尼地城係電車西面嘅終點。

[編輯]

  1. 壹週刊S020-022。周潤發,回歸十五年,做個勇敢香港人 搵食就係核心價值 。『雖然發哥說,大家最關心搵食,但他卻支持市民繼續遊行,繼續去中聯辦抗議:「我要糾正一樣嘢,那裡不叫西環,因為我喺西環長大的,那裡是西營盤同石塘咀中間。」』