計劃生育

出自維基百科,自由嘅百科全書

計劃生育係指國家、政府或者組織有計劃噉對生育進行調控,通常係指控制人口嘅過快增長。

各地計劃生育[編輯]

印度[編輯]

印度係世界上首個正式提倡「計劃生育」政策嘅發展緊國家[1]

早喺1952年,印度政府就提出要節制生育[1]。1976年,印度前總理甘地夫人採取過強硬措施推行節育,接近400萬人喺1個月內被強制節育,引起廣大民眾強烈不滿,導致佢喺之後一年嘅大選道落敗[2]。其後上台執政嘅印度人民黨隨即拋棄甘地夫人嘅強制節育計劃,改為推行自願節育。由於個個政治家都怕犯眾憎,所以喺之後咁多次大選道,冇人夠膽再提出強制節育嘅口號。2000年2月,印度政府推出多項措施鼓勵節育,包括獨生子女在職人員家庭喺住房上有優待,做絕育多嘅村可優先獲得食水、灌溉資源同更多福利保障,獎錢畀「晚」生「稀」生嘅婦女,同埋送單車畀絕育國民同幫佢哋辦槍牌等等優惠。

但係爾啲措施效果並唔理想。一個原因係印度幾乎人人信教,而每個教派都想有多啲人來保證自己嘅地位。另外一方面,同中國嘅情況相似,印度重男輕女中文重男輕女。只有男仔可以喺父母過身之後喺宗教儀式道送佢哋入天堂,另外結婚嗰時女家要畀男家一大筆彩禮。

而今,平均一個印度婦女養3.9個仔女,受教育程度高嘅家庭一般有2到3個細路,而受教育程度低嘅貧困家庭就一般有7到8個。

由於印度計劃生育好混亂,聯合國人口基金會叫佢做「缺乏人口控制嘅典型」。

中國(大陸)[編輯]

内文:一孩政策

參考[編輯]

  1. 1.0 1.1 鳳凰網:人口將超中國 印度計劃生育為何行不通? 互聯網檔案館歸檔,歸檔日期2013年7月2號,.,2009年2月18號
  2. 聯合早報:印度人口將超越中國帶來警醒,2010年5月7號,鳳凰網轉載