諾士佛臺
出自維基百科，自由嘅百科全書
座標:
諾士佛臺（Knutsford Terrace）係九龍尖沙咀嘅一條街，喺香港天文台側邊嘅山仔上，由天文台道頭開始到諾士佛階，以特色酒吧同埋餐廳出名，號「九龍蘭桂坊」[1]。條街又高又隱蔽；成條街都係行人路，擺咗酒吧同餐廳嘅枱櫈。諾士佛臺同諾士佛階亦叫做諾士佛區[2]。
有唔少有異國風情嘅餐廳，供應包括土耳其、俄羅斯、西班牙、日本嘅特色菜。入夜之後到凌晨時份好旺，同香港島嘅蘇豪區及蘭桂坊相似。但同蘭桂坊相比，部分酒吧就畀較大眾化同本地化。諾士佛臺側邊嘅諾士佛階亦有唔少特色餐廳，有樓梯接去美麗華商場[3][4]。
諾士佛臺喺19世紀尾，有16座嘅歐洲式別墅仔起喺度[5]。20世紀中後期，有兩間中學喺呢度起分校—威靈頓書院 (Wellington College) 同格致書院 (Mansfield College)，都係高層建築，幾乎拍埋咁滯。
交通 [編輯]
參考資料 [編輯]
出面網頁 [編輯]
