譚仔雲南米線

出自維基百科,自由嘅百科全書
  呢篇文講嘅唔係氹仔
譚仔雲南米線
開檔1996年, 28年之前 (1996)
總部地址 香港
業務地區香港,共109間分店
產業飲食業中菜
母公司株式会社東利多控股日文トリドールホールディングス

譚仔雲南米線,俗稱譚仔,係香港一間連鎖米線舖,首創車仔麵麻辣米線,喺港九新界有好多分舖。2008年因為家族經營出現嚴重分歧而分成四姐夫婦、五哥嘅「譚仔雲南米線」同三哥、六哥嘅「譚仔三哥米線」各自營運發展。2017年5月譚仔雲南米線母公司「同心飲食」俾日本烏冬專門店「丸亀製麵」收購[1],2017年12月收購埋「譚仔三哥」[2]

產品[編輯]

譚仔雲南米線招牌

湯底[編輯]

  • 清湯
  • 麻辣 - 辣度分為:雙特辣(菜單上無)、特辣、大辣、中辣、小辣、2分一小辣、3分一小辣、4分一小辣、5分一小辣、至10分一小辣
    • 材料包括湖南指天椒、四川海椒及印尼米椒[3]
  • 重慶麻辣(限「譚仔雲南米線」提供)
  • 酸辣
  • 湖南酸辣(限「譚仔雲南米線」提供)
  • 三哥酸辣(限「譚仔三哥米線」提供)
  • 煳辣(限「譚仔三哥米線」提供)
  • 茄湯
  • 砂砂(限「譚仔三哥米線」提供)

小食[編輯]

四川風味系列[編輯]

雞翼系列[編輯]

  • 新疆 香草烤雞翼
  • 四川 麻辣烤雞翼
  • 湖南 土匪烤雞翼(譚仔獨家,原創人係三哥)
  • 麻辣口水雞翼

其他品牌[編輯]

加藤屋[編輯]

除經營雲南米綫外,亦有加藤屋品牌,提供日式牛肉飯及火鍋(同吉野家競爭)、鐵板牛肉(同胡椒廚房競爭)。

分家[編輯]

喺2003年,三哥、六弟、五弟同佢老婆名義持股嘅四妹妹夫周志明一齊註冊成立「同心飲食有限公司」,一齊大展拳腳。但係2007年開始,分裂嘅導火線漸漸浮面,五弟同三哥因為裝修、租務同營運上嘅問題產生磨擦。卒之喺2008年,三哥同五弟決定拆夥,將當時12間分店平分。三哥同六弟離開「同心飲食」另起爐灶,創立「譚仔三哥米線」同群順有限公司;而五弟同四妹妹夫就繼續留喺「同心飲食」,經營「譚仔雲南米線」,從此各行各路。但係五弟否認拆夥係同錢銀問題有關,表示管理嘅理念出現嚴重分歧而各自營運[4]

出面網頁[編輯]

譚仔雲南米線:
譚仔三哥米線:

參考[編輯]

  1. 日本丸龜製麵確認收購譚仔雲南米線 市傳10億收購價
  2. 仔三哥賣盤Super! 三哥五弟分家9年後再度合併!. 原著喺2017年12月1號歸檔. 喺2018年2月7號搵到.
  3. 仔三哥日賣5萬碗米線辣足20年上位有. 港01. 2016年6月14日. 原著喺2017年9月23日歸檔. 喺2019年10月15日搵到.
  4. 是同根生 譚仔VS三哥 仔雲南米線家發跡史 - 香港經濟日報 - TOPick - 職場. topick.hket.com. 喺2019-10-15搵到.