譚惠珠

出自維基百科,自由嘅百科全書
譚惠珠
譚惠珠喺2010年4月18號出席城市論壇
出世 (1945-11-02) 1945年11月2號(78歲)
 英屬香港
國籍 中國香港
職業香港特別行政區基本法委員會委員
政黨勵進會(1985年-1991年)
自民聯(1991年-1997年)
港進聯(1997年-2005年)
民建聯(2005年到依家)

譚惠珠GBMGBSCBEOBEJP粵拼taam4 wai6 zyu11945年11月2號—),花名「珠姐」,係現任港區全國人大代表、民建聯黨員同香港基本法委員會委員。香港人,籍貫廣東中山,1980年代試過同時做立法局議員、行政局議員、市政局議員同埋區議員,被稱為「四料議員」。此外,佢重係香港警察散仔會嘅創會會長。

爭議[編輯]

用職權炒的士牌[編輯]

1990年7月,《壹週刊》爆出譚惠珠身為交通諮詢委員會主席,竟然有「先達的士公司」嘅股份,間公司專炒的士牌,又未申報利益。由於涉及利益衝突,譚惠珠重向無綫新聞申訴,掀起一場干預新聞自由嘅風波。最後譚被殖民地政府疏遠,1991年,譚惠珠就冇得再做行政局議員、立法局議員同交通諮詢委員會主席。

政壇變色龍[編輯]

香港殖民地時期,譚惠珠思想比較民主同開明,但係立場傾向港英政府。例如1980年,譚惠珠喺公安法例修訂草擬嘅論壇話,民眾集會只要證明冇動亂嘅可能性,就唔算係非法集會,以放寬公眾表達意見嘅權利,主張限制警權[1]。但1990年代後,佢就同政敵范徐麗泰一樣投奔親中陣營,好似支持23條立法。更話反對嘅人,唔配做中國公民。

主張審查泛民主派參選權利[編輯]

2021年3月,中國全國人民代表大會未徵詢過香港市民嘅意見,就通過咗一個『311決定』,引嚟泛民主派同好多西方世界列國嘅批評,形容呢個方案扼殺香港民主。

譚惠珠之後多次強調要「愛國者治港」,又曾經公開話,如果泛民主派要參選,佢哋要交代對愛國者為主體治港嘅睇法,支持成立資格審查委員會篩選泛民主派參選嘅權利,又話香港唔可以以民意治港[2][3]

選舉經歷[編輯]

喺2021年9月,佢成為香港特别行政區選舉委員會法律界當然委員[4]。之後佢喺李家超無提政綱嘅情況下,有份提名李家超參與2022年香港行政長官選舉[5]

個人榮譽[編輯]

[編輯]

  1. 【蘋話當年】1980年譚惠珠撐遊行唔使預先申請 互聯網檔案館歸檔,歸檔日期2014年1月8號,. 蘋果日報 2014年1月5號
  2. 惠珠:如不能落實愛國者治港 普選之路舉步維艱. www.bastillepost.com. 2021-03-20. 喺2021-03-28搵到.
  3. . www.singtaousa.com (英文). 原著喺2021-03-28歸檔. 喺2021-03-28搵到.
  4. 文睇清1448名新選委全名單. (中文). 喺2022-08-11搵到.
  5. 文看清李家超786張提名. 報網站 hkej.com. 喺2022-09-02搵到.
  6. (繁體中文). 國際青年商會香港總會. 原著喺2018年8月9號歸檔. 喺2020年3月19號搵到.
  7. 公務委員會及其他名表 : 太平紳士 (繁體中文). 香港特別行政區政府. 原著喺2020年10月27號歸檔. 喺2020年3月19號搵到.
  8. 8.0 8.1 8.2 第38屆大會 (1989) | 頒授學位典禮 | 香港中文大學香港中文大學 (繁體中文)
  9. (新聞稿) (繁體中文). 香港政府新聞公報. 1998年7月1號.
  10. (新聞稿) (繁體中文). 香港政府新聞公報. 2013年7月1號.

出面網頁[編輯]