譚耀宗

譚耀宗，GBS，JP（TAM Yiu-chung；1949年 12月15號—），香港出世，英國商業管理學會永遠榮譽會士，曾修讀澳洲國立大學延續教育部成人教育課程。現任香港立法會議員同民建聯主席。

屋企 [編輯]

譚耀宗祖籍廣東惠陽，不過佢就喺香港出世。

譚耀宗係資深左派工會人士，現任工聯會副理事長，全國政協委員。民建聯成立後，佢一直係民建聯成員。佢響1985年至1995年間循勞工界功能組別獲選為立法局議員，但佢響1995年立法局選舉中，敗於民主黨李華明而短暫告別議會工作。1996年12月，佢被委任做臨時立法會議員。

1997年至2002年間佢被委任做行政會議成員。1998年，佢以民建聯名單排頭位出選新界西選區，成功重返立法會。2004年佢再透過新界西直選進入立法會，同區對手有脫離民主黨嘅陳偉業，民主黨李永達、陳琬琛名單，何俊仁、張賢登名單，職工盟李卓人、葉岳峰名單，同埋自由黨周梁淑怡、丁午壽名單等。

2007年 8月，民建聯主席馬力死後，民建聯常委會選譚耀宗接任民建聯主席。

前任：馬力	民建聯主席 2007年—	繼任：現任