豐臣秀吉

出自維基百科,自由嘅百科全書
跳去: 定向搵嘢
豐臣秀吉

豐臣秀吉1537年3月26號1598年9月18號、舊曆天文6年二月初六-慶長3年八月十八)係日本戰國時代安土桃山時代嘅大名。佢嘅幼名叫日吉丸,喺改名秀吉之前又叫木下藤吉郎羽柴秀吉。佢最大嘅成就係將分裂咗嘅日本再次統一。

經歷[編輯]

佢喺尾張國嘅一個農村出世,後生嗰時曾經係今川義元管轄城引馬城城主飯尾連龍部屬松下嘉兵衛嘅家臣,不過冇耐就離開咗。之後成為咗織田信長嘅家臣,漸漸得到信長嘅信任。喺攻打稻葉山城後,收編咗蜂須賀小六前野長康竹中半兵衛等家臣。

1573年織田信長委任佢做今濱城城主,跟住秀吉即刻改名做長濱城,喺四年後,信長任命負責攻略中國地方,於是秀吉搬到姬路城。對中國嘅攻略,秀吉發揮咗斷糧嘅攻城戰術。亦令到對毛利嘅攻略稍佔上風。

1582年當秀吉聞到信長死喺本能寺嘅消息,佢立即急急向毛利軍議和,折返近畿,並且喺山崎擊敗咗明智光秀。跟住秀吉打敗咗織田信孝柴田勝家。接著又成為向德川家康議和,之後成功討伐四國九州,大致上大部份地方都臣服秀吉(除咗東北同關東部份大名)。期間秀吉被朝廷任命為關白,並改名為豐臣秀吉。

1590年,豐臣秀吉成功擊敗北條氏政,大致上統一咗日本,跟住秀吉喺1592年1598年出兵朝鮮(即文祿慶長之役),不過重未征服到之前,喺伏見城病死。