貝貝

出自維基百科,自由嘅百科全書
跳去: 定向搵嘢

想搵呢個詞嘅第啲意思,睇下【貝貝 (搞清楚)

貝貝響香港濕地公園嘅貝貝之家

貝貝香港最出名嘅灣鱷明星。有人喺2003年11月發現貝貝喺新界元朗山貝河出沒,從此聲名大噪,傳媒爭住影佢,市民爭住睇佢,相機日捕夜捕。之後,貝貝同澳洲生態學家利弗(John Lever)同番禺捕鱷專家何展釗呢幾個人周旋咗幾個月,重未捉得到。終於喺七個月後,2004年6月俾漁農自然護理署捉住,送咗去嘉道理農場暫住。2006年8月15號搬去香港濕地公園 —— 專為貝貝而設永久嘅屋企「貝貝之家」裏面長住。

改名[編輯]

2004年7月12號,漁農自然護理署同香港電台一齊搞咗個鱷魚改名比賽,反應熱烈。8月12號,漁農自然護理署宣佈元朗小灣鱷命名為「貝貝」;英文名 Pui Pui,係因為呢個名生動活潑又易記,最啱攞嚟形容喺山貝河搵倒嘅小灣鱷。之前,首先發現嗰條鱷魚嘅南生圍姓陳嘅村民半講笑噉同佢改咗個名叫「陳鱷鱷」。

幾大[編輯]

貝貝游緊水

專家估計捉倒嗰時貝貝係 4 歲,所佢就係條千禧年出世(2000年),1.75 米長,19.5 kg 重。大概有 3 米,貝貝之家嘅設計預埋呢樣嘢。

貝貝之家[編輯]

貝貝之家簡介:

  • 位置:香港濕地公園遊客中心外面
  • 面積
    • 戶外範圍:20 平方米(陸地)、50 平方米(水池)
    • 內室:14 平方米

戶外設施[編輯]

  1. 水池:最深一米,水面有突出嚟嘅石台,畀鱷魚遮陰同匿埋。
  2. 紅外線暖爐:藏喺石簷底嘅紅外線暖爐,響凍嘅日子畀啲溫暖貝貝(溫度係攝氏 25 度)
  3. 電熱板:陸上嘅電熱板,響凍嘅日子畀貝貝休息取暖。
  4. 電子磅:收埋喺石簷下面,簷底有紅外線暖爐。每當鱷魚攤喺度取暖嗰陣,工作人員可以響室內嘅儀器紀錄重量,完全唔使騷擾貝貝。
  5. 濾水系統:池水不停循環過濾,確保水質好正。先進嘅過濾系統包括過濾沙缸同紫外光消毒。
  6. 戶外植物:戶外展區種嘅植物除點綴之外,亦係畀鱷魚遮蔭同匿埋嘅地方,品種包括蒲葵風車草海芋大薸

室內設施[編輯]

室內屋企同戶外範圍由一道活分開,畀鱷魚自由出入。內室方便獸醫做健康檢查,亦可以畀貝貝舒舒服服過寒

  1. 通風系統同自然光:室內個窗特大,風扇同抽風系統,保持空氣流通。自然光由窗射入嚟,對鱷魚有益。
  2. 暖管:室內通風系統重有暖管,可以響冬天提供暖氣。溫度太低嗰陣重可以加紅外線暖爐。
  3. 暖水:好凍嘅冬天時可提供暖水,等室內池水保持 20 度以上。
  4. 閉路電視:室外戶內都有閉路電視,24 個鐘睇住條鱷魚嘅活動。嚟旅遊嘅人可以響戶外隔住塊玻璃睇吓貝貝嘅起居生活……

參考[編輯]

[編輯]