贊育醫院

贊育醫院（英文：Tsan Yuk Hospital）係香港第一間華人產科醫院，響香港島西營盤醫院道30號，響1922年由倫敦會傳教士創立，原址響西邊街，1955年搬到醫院道現址，係醫院管理局港島西聯網轄下嘅醫院之一。

簡介[編輯]

贊育醫院喺1922年由倫敦傳教士創立，目的係為社區提供產科服務，之後成為一間公立醫院，同埋香港大學嘅教學醫院，為醫生提供訓練同研究；亦為學護提供產科訓練。醫院已經成為日間中心，為病人提供產前同產後護理，並推行多個健康教育計劃，包括點樣照顧新生嬰兒、懷孕女性嘅飲食同家庭計劃等。