越南話聲韻
出自維基百科，自由嘅百科全書
(由越南語聲韻跳轉過來)
越南話聲韻同粵語差唔多，啲詞大部分係單音節嘅「字」構成，所以中文嘅聲韻概念亦都適用。越南話嘅音節由聲母、介音、母音、韻尾同聲調五個部分構成。
目錄 |
聲母 [編輯]
| 拉丁字母 | 萬國音標 | 漢越音對應中古中文聲母 | 備註 |
| 零聲母 | /ʔ/ | 影 | |
| b | /ɓ/ | 幫、並 | |
| c, k, q | /k/ | 見、群 | 喺e、ê、i(y)前便寫k，有合口介音嗰陣寫qu，第啲情形寫c |
| ch | /c/ | 章 | |
| d | 北方讀音/z/，南方讀音/j/ | 以、明（重鈕四等） | |
| đ | /ɗ/ | 端、定 | |
| g, gh | /ɣ/ | 喺e、ê、i(y)前便寫gh，第啲情形寫g | |
| gi | 北方讀音/z/，南方讀音/j/ | 睇下「開口二等」 | |
| h | /h/ | 曉、匣 | |
| kh | /x/ | 溪 | 都可以讀成[kʰ] |
| l | /l/ | 來 | |
| m | /m/ | 明 | |
| n | /n/ | 泥、娘 | |
| ng, ngh | /ŋ/ | 疑 | 喺e、ê、i(y)前便寫ngh，第啲情形寫ng |
| nh | /ɲ/ | 日、疑（開口二等） | |
| ph | /f/ | 滂、幫（輕脣）、並（輕脣） | |
| qu | 北方讀音/kw/，南方讀音/w/ | ||
| r | 河內方言/z/，西貢方言/ʐ/或/ɹ/，外文/r/（顫音） | ||
| s | 河內方言/s/，西貢方言/ʂ/ | 徹、初、崇、生、俟 | |
| t | /t/ | 精、從、心、邪、幫（重鈕四等）、並（重鈕四等） | |
| th | /tʰ/ | 透、清、章、常、書、船、滂（重鈕四等） | |
| tr | 河內音/c/，西貢音/tʂ/ | 知、澄、莊 | |
| v | 北方讀音/v/，南方讀音/j/ | 明（輕脣）、云 | |
| x | /s/ | 昌、清、常、溪（開口二等） |
母音 [編輯]
越南話有11個嘅母音，當中有兩對有長短對立情形（a同ơ係長音，ă同â係短音）：
| 前扁脣 | 央扁脣 | 後圓脣 | |
| 高 | i, y /i/ | ư /ɨ/ | u /u/ |
| 半高 | ê /e/ | ô /o/ | |
| 半低 | e /ɛ/ | ơ /əː/ â /ə/ | o /ɔ/ |
| 低 | a /a:/ ă /a/ |
越南話重有三個雙元音：ia，ua 同埋 ưa，後便有韻尾嗰陣寫做 iê，uô 同埋 ươ。
介音 [編輯]
越南話嘅介音/w/寫做 u 或 o 。脣音聲母後便唔可以加介音，第啲聲母大多數都可以加介音。不過 ư、o、ô、u 呢幾個字母前便唔可以有介音。同 i 或者 ia 拼寫嗰陣，iê 寫做 uy。
韻尾 [編輯]
同粵語、古代漢語一樣，越南話亦都有母音韻尾同子音韻尾。越南話嘅韻尾同粵語非常之相似。
元音韻尾有 -i 或 -y /j/、-u 或 -o /w/；子音韻尾有 -m、-n、-ng /ŋ/、-p、-t、-c /k/ 六個。當中，-ng 同 -c 喺前母音後便嘅話，要寫做 -nh 同 -ch。
介音、母音同韻尾嘅拼寫原則 [編輯]
| -i | -u | -m | -n | -ng | -nh | -p | -t | -c | -ch | |
| a | ai | ao | am | an | ang | ap | at | ac | ||
| oa | oai | oao | oam | oan | oang | oanh | oap | oat | oac | oach |
| ay | au | ăm | ăn | ăng | anh | ăp | ăt | ăc | ach | |
| oay | oăm | oăn | oăng | oăp | oăt | oăc | ||||
| ơ | ơi | ơm | ơn | ơp | ơt | |||||
| uơ | ||||||||||
| ây | âu | âm | ân | âng | âp | ât | âc | |||
| uây | uân | uâng | uât | |||||||
| ư | ưi | ưu | ưng | ưt | ưc | |||||
| o | oi | om | on | ong / oong | op | ot | oc / ooc | |||
| ô | ôi | ôm | ôn | ông / ôông | ôp | ôt | ôc / ôôc | |||
| u | ui | um | un | ung | up | ut | uc | |||
| e | eo | em | en | eng | ep | et | ec | |||
| oe | oeo | oem | oen | oet | ||||||
| ê | êu | êm | ên | ênh | êp | êt | êch | |||
| uê | uêu | uên | uênh | uêt | uêch | |||||
| i / y | iu | im | in | inh | ip | it | ich | |||
| uy | uyu | uyn | uynh | uyp | uyt | uych | ||||
| ưa | ươi | ươu | ươm | ươn | ương | ươp | ươt | ươc | ||
| ia | iêu | iêm | iên | iêng | iêp | iêt | iêc | |||
| uya | uyên | uyêt | ||||||||
| ua | uôi | uôm | uôn | uông | uôt | uôc |
- 喺聲母q後便，原本介音寫o嘅，要改做u。
聲調 [編輯]
越南話嘅聲調格局同粵語亦都好相似。粵語係「九聲六調」，越南話就「八聲六調」。為咗方便，經常以調計，唔計入聲，當六隻聲調：平聲、玄聲、問聲、跌聲、銳聲、重聲。
| 序號 | 越南文名 | 譯名 | 漢越文對應中古中文聲調 | 調值 | 例字 |
| 1 | ngang | 平聲（陰平） | 清平、次濁平 | 44，平，長，同粵語嘅陰去一模一樣 | ma |
| 2 | huyền | 玄聲（陽平） | 全濁平 | 31，中降，長，同粵語嘅陽平一模一樣 | mà |
| 3 | hỏi | 問聲（陰上） | 清上 | 21(4)，南部越南話同粵語嘅陰上一模一樣，北部越南話同粵語嘅陽平一模一樣 | mả |
| 4 | ngã | 跌聲（陽上） | 次濁上 | 32/4，中，緊喉且中斷 | mã |
| 5 | sắc | 銳聲（陰去、陰入） | 清去、清入 | 45，高升，短，似粵語嘅陰上 | má |
| 6 | nặng | 重聲（陽去、陽入） | 濁去、全濁上、濁入 | 21，低降，短，北部越南話似粵語嘅陽去，南部越南話同粵語嘅陽上一模一樣 | mạ |
- 帶子音韻尾 -p、-t、-c、-ch 嘅字同粵語嘅入聲查實一模一樣。淨係銳聲同重聲先可以帶呢啲韻尾。所以越南話實質上有兩個入聲，陰入同陰去嘅音高一樣，陽入同陽去音嘅高一樣。以粵語嘅情形就係陰入同陰平嘅音高一樣，中入同陰去嘅陰高一樣，陽入同陽去嘅陰高一樣。
- 聲調嘅表示方法，用啲附加符號標喺母音字母上便或者下便。有幾個母音字母連用嗰陣，要標喺主要母音度，而雙母音 ia、ua 同 ưa 就標喺前面嗰個母音度。
