趙昺（1271年—1279年），係南宋末代皇帝。
佢係個細路仔，之前畀人叫做永國公、信王以及廣王等等。當時蒙古人攻打南宋，兵荒馬亂。趙昺同班皇室以及朝臣將軍都要搏命南走。1278年趙昺喺廣東畀班大臣扶上去做皇帝，並且走到崖山避難。蒙古人大舉進攻崖山，史稱「崖門戰役」。結果南宋輸咗。1279年當時做宰相嘅陸秀夫見大勢已去，就隨同趙昺一齊喺山跳海殉國，宋朝滅亡。
依家喺深圳蛇口嘅赤灣有一個宋少帝陵，據講係趙昺嘅屍體漂流到赤灣，畀人發現咗，知道係皇帝，所以就喺赤灣安葬咗佢。1984年喺香港嘅宋朝後人，聯同深圳市政府出錢修葺，而家係國家重點文物之一。
後世一般都叫趙昺做宋帝昺，又或者宋少帝。
