趙構

出自維基百科,自由嘅百科全書
宋高宗畫像

宋高宗趙構1107年1187年),字德基,係南宋開國皇帝,亦係宋朝第十個皇帝。

趙構係宋徽宗第九個仔,未做皇帝之前受封做「康王」。1126年兵第一次包圍北宋首都汴京嗰陣,趙構畀佢阿哥宋欽宗派去金兵嗰度做人質講和,之後放番返去。1127年1月,金兵第二次包圍汴京之後攻陷汴京,捉咗宋徽宗同宋欽宗,呢件事就叫做「靖康之難」。

之後趙構喺河北起兵,叫自己做大元帥,聚集咗唔少仲效忠宋朝嘅軍隊。1127年6月,趙構喺應天(今日河南商丘)登基做南宋第一位皇帝,改年號做建炎。趙構幾經輾轉終於走到江南,定都臨安(今日浙江杭州)。

建炎三年,「苗劉兵變」發生。

1131年,改用年號「紹興」。

1137年,趙構阿爸宋徽宗嘅死訊傳到南宋。

1140年,金兵又南下入侵。

趙構做皇帝,早期起用過韓世忠岳飛等等嘅主戰派。但係趙構係諗住守住半璧江山就算,就算喺岳飛大破金兵之後,都係接受割地同金國講和,仲處死咗岳飛,罷免咗韓世忠,起用秦檜做宰相。

1141年宋金達成「紹興和議」。趙構殺咗岳飛之後,金人放番趙構親生阿媽返去南宋。

1161年,金國海陵煬王完顏亮唔理兩國和議,親自帶大軍進攻南宋,但係喺長江受阻,最終喺完顏亮被耶律元宜殺死之後金兵撤退。

1162年趙構將皇位禪位畀太子趙眘,是為宋孝宗。宋孝宗上台後馬上為岳飛平反,但趙構並冇阻撓。

1187年,宋高宗去世,享年81歲,謚號受命中興全功至德聖神武文昭仁憲孝皇帝,葬喺永思陵

家庭[編輯]

后妃[編輯]

子女[編輯]

[編輯]

宋高宗淨係得一個親生仔趙旉,但夭折咗,追謚元懿太子。