跑Online

跑Online
外文原名	TalesRunner
類型	休閒、競速類遊戲
平台	PC
整	RHAON
	NOWCOM 2005年; RHAON 2010年; NEETS 2006年; 戲谷 2006 年; 戲谷 2006年7月6日; 盛大 2007年; TOT 2007年; Gala-Net 2008年; NOWCOM 2012年（全球版）;
模式	8 人競賽、30 人競賽、接力; 同召喚獸暴走
分級	普級
儲存裝置	硬碟
輸入設備	鍵盤、滑鼠; 可以用 Joy to Key 軟件外接遊戲手把
你要有
	; CPU：Pentium 3（800Mhz 以上）; 記憶體：256MB 以上; 顯示卡：32MB 以上; 作業系統：Windows 98/2K/XP/Vista/7; 繪圖驅動程式：有 Direct X 9.0 以上軟件嘅顯示卡; 音效卡：Windows 相容嘅音效卡; 網路能力：ADSL 2M(Rx)/256K(Tx)

跑Online（韓文：테일즈 런너，英文：Talesrunner，簡稱 TR）係由韓國 RHAON開發，NOWCOM發行嘅網上競速遊戲，特色係以跑步作為競賽方式，第一個到終點就係贏家。因為地圖多樣化同童話（Tale）嘅風格，所以喺韓國受到好評。官方唔收玩家錢，但係玩家可以自發性買呢個遊戲嘅收費產品。

韓國、台灣、香港、泰國同中國都先後設立伺服器，之前一啲台灣玩家會連線到韓國伺服器玩韓版，但係韓方唔歡迎海外玩家，設立咗網絡審查，台灣玩家如果想試圖連線到韓方官方網站就會彈返去台方官方網站，香港玩家如果想試圖連線到韓方官方網站就會彈返去港方官方網站。日本係最早設立海外伺服器嘅地點，但係因為玩家太少，伺服器而家已經停咗。

喺香港，想買呢個遊戲嘅收費產品嘅話，就要買點數通。點數通價格有三種，分別係賣HK$18嘅50點點數咭、HK$53嘅150點點數咭同埋HK$98嘅300點點數咭。

遊戲基本概念 [編輯]

係世界第一款以跑步為競賽方式嘅網上遊戲，以童話故事作為背景創立各種地圖。

角色 [編輯]

光光

英文名：Cho WonĜ
年齡：11歲
國籍：韓國
身高：141cm
體重：35kg
血型：O型
職業：國小田徑隊
價錢：20000 TR

能量值係 3，3，3，3。

明明

英文名：Ming Ming
年齡：10歲
國籍：中國
身高：130cm
體重：32kg
血型：B型
職業：電影明星
價錢：20000 TR

能量值係3，3，2，4。

莉娜

英文名：Lina
年齡：17歲
國籍：法國
身高：155cm
體重：38kg
血型：A型
職業：法國OPERA芭蕾團
價錢：29800 TR

能量值係1，6，2，5。

大隻仔

英文名：BigBo
年齡：18歲
國籍：巴西
身高：192cm
體重：125kg
血型：O型
職業：學生
價錢：39800 TR

能量值係5，2，6，1。

蒂蒂

英文名：DnD
年齡：21歲
國籍：韓國
身高：168cm
體重：52kg
血型：O型
職業：歌手
價錢：49800 TR

能量值係4，2，3，3。

納魯西斯

英文名：Narucis
年齡：19歲
國籍：香港
身高：190cm
體重：55kg
血型：AB型
職業：模特兒
價錢：49800TR

能量值係6，1，3，4。

琪琪

英文名：Maki
年齡：16歲
國籍：日本
身高：143cm
體重：34kg
血型：AB型
職業：學生
價錢：59800TR

能量值係2，5，1，6。

軒少

英文名：Rough
年齡：18歲
國藉：英國
身高：178cm
體重：69kg
血型：O型
職業：學生（天才電單車手）
價錢：59800TR

能量值係4，3，5，2。

Kay（安琪）

英文名：Kay
年齡：17歲
身高：162cm
體重：45kg
血型：O型
職業：學生
價錢：120點

能量值係5、3、2、4。

占

英文名：Kai
年齡：不詳
身高：177cm
體重：67kg
血型：B型
職業：不詳
價錢：120點

能量值係5，5，2，2。

夏魯

英文名：Haru
年齡：?歲
身高：?cm
體重：?kg
血型：?型
職業：魔王
價錢：90點
能量值係?，?，?，?。

雪姬

英文名：Yuki
年齡：不詳
身高：165cm
體重：48kg
血型：AB型
職業：忍者
價錢：90點

能量值係6，1，2，5。

映雪

英文名：Kuro
年齡：不詳
身高：165cm
體重：48kg
血型：AB型
職業：忍者
價錢：90點

能力值係1，5，4，4

阿貝爾

英文名：Abel
年齡：?
身高：?cm
體重：?kg
血型：?
職業：?
價錢：110點

能力值係4，5，3，2(+5%憤怒持續時間)

怪物 [編輯]

章魚爸爸

危險度：★★★★★
出沒地點：憤怒嘅章魚爸爸、憤怒嘅章魚媽媽
相關道具：觸電章魚（攻擊名列第一名嘅玩家，令佢陷入觸電狀態。）
相關鍊金配方：章魚面具（2lv）、粗造嘅章魚大王（4lv）
發出：電柱
震動度：3-4

見到自己個仔被利用而嬲嘅章魚爸爸，不停咁施放會令所有生物麻木嘅電流追趕上來。

章魚媽媽

危險度：★★★★★
出沒地點：憤怒嘅章魚媽媽、極惡的章魚爸爸
相關道具：章魚妹妹（以雷霆萬鈞之勢，一直衝向名列第一名嘅玩家，作出雷電攻擊。喺前往攻擊第一名玩家嘅途中，任何玩家掂到佢，都會陷入觸電狀態。）
相關鍊金配方：章魚媽媽嘅面具（4lv）
發出：冇
震動度：3-4

用電流蝦跑Online賽跑選手為樂嘅章魚爸爸，成日喺出面過夜而激嬲章魚媽媽。為咗追驚章魚媽媽嘅憤怒而逃跑嘅章魚爸爸，橫衝直撞嘅章魚媽媽喺後面追上嚟。

蜥蜴叔叔

危險度：★★★★★
出沒地點：蜥蜴叔叔嘅憤怒、蜥蜴叔叔嘅危機
相關道具：變身炸彈（掂到變身炸彈嘅角色，會變成各種唔同嘅動物（包括蜥蜴），按照唔同嘅動物跑步嘅速度亦會跟住改變。）
相關鍊金配方：冇
發出：火球、分身蜥蜴（一掂到就Game Over）
震動度：2-3

雖然同蜥蜴小姐係兩方家長牽線而成親，但係蜥蜴叔叔係外貌主義者，為咗推開醜樣嘅蜥蜴小姐出動鉆板同火球。但係蜥蜴小姐可以將所有嘢變做廢物…

蜥蜴叔叔嘅未婚妻

危險度：★★★★★
出沒地點：蜥蜴叔叔嘅危機
相關道具：變身炸彈（掂到變身炸彈嘅角色，會變成各種唔同嘅動物（包括蜥蜴），按照唔同動物跑步嘅速度亦會跟住改變。）
相關鍊金配方：冇
發出：冇
震動度：4-5

蜥蜴叔叔同蜥蜴叔叔嘅未婚妻係由兩方家長牽線而成親，但係蜥蜴叔叔一直都唔領情，蜥蜴叔叔嘅未婚妻就唔放棄咁狂追蜥蜴叔叔，係屬於純情派嘅蜥蜴。

大白鯊

危險度：★★★★★
出沒地點：瘋狂大白鯊
相關道具：鯊魚（一定要係較寬闊嘅地方使用，用之後會有隻鯊魚喺跑道上伺機咬其他玩家。特別嘅地方係鯊魚係會跳嘅。所以想喺空中跳過都冇辦法）
相關鍊金配方：冇
發出：巨浪
震動度：2-4

為咗嚇走跑Online選手，鯊魚隊長親自出馬，利用殘暴嘅牙同鼻破壞啲箱，並狂追賽跑選手。

遊戲室 [編輯]

而家跑Online有好多遊戲室玩法。有一般、30人、接力、8人同心、單人等。

一般模式（個人及團體） [編輯]

最多遊戲人數為8人，有個人競賽同團體競賽法。以跑道做特色，用紅藍兩色代表唔同嘅團隊。最初嘅室長係開遊戲室者，如果競賽中攞到第一名會有室長嘅權利。個人競賽用過終點嘅名次決定勝負，團體競賽如果有一個人第一個到咗終點，佢嗰隊就會贏。另外如果有人領先過咗終點其他玩家頭頂會出現亨利國王嘅頭，會倒數10秒（因為網路同步同傳輸延遲問題，實際上大概12秒），如果去唔到終點就會TIME OVER。

20/30人模式 [編輯]

台灣版本：最多遊戲人數係20人，用雙色運動場為主題，中央圓形為室長位置，進入玩家會先入去右邊嘅紅色運動場，撳READY之後會移動到左邊嘅藍色運動場。室長撳開始之後會畀5秒時間重未READY嘅玩家撳READY掣，如果重未撳就會強制退出遊戲室。

生存者地圖就需要連室長6人以上先可以玩

其他版本：最多遊戲人數為30人，用雙色運動場為主題，中央圓形為室長位置，進入玩家會先入到右邊嘅紅色運動場，撳READY之後會移動到左邊嘅藍色運動場。室長撳開始之後會畀5秒時間重未READY嘅玩家撳READY掣，如果重未撳就會強制退出遊戲室。

生存者地圖就需要連室長9人以上先可以玩

接力模式 [編輯]

台灣版本：接力模式有分4個跑道，每個跑道有三個位，玩家可以自己揀第A，B，C，D，E，F隊嘅第1，2，3棒，總共18個位。間房本身可容納20人，但係只有進入跑道嘅18人可以進行遊戲。亦可以隨機選擇團隊。場主除咗選擇團隊掣亦有START掣嘅設置。

喺棒次嘅交接點會出現接棒畫面，頭上出現一條橫bar同一個箭頭，bar有三個區塊，箭頭指向中間時撳道具掣。其中一方點擊到邊緣黃綠區塊會導致接棒失敗（BAD），如果兩方都點擊到深綠區塊或一方點擊深綠、一方點擊橙色區塊會正常出發（GOOD），兩方都點擊到橙色區塊就會衝刺出發（COOL）。而如果某一隊嘅第三棒最先到終點嗰隊就算贏，並且呢隊嘅第一棒做場主。

8人同心 [編輯]

「8人同心」係要大家同心協力去完成賽道，喺呢個模式裏面，有五個關卡畀玩家挑戰，每個關卡裏面亦有唔同嘅任務地圖。

官方喺每個關卡都作啲故仔吸引吓人，例如：「甚麼甚麼被夏魯洗腦了，快啲去打敗佢…」

單人模式 [編輯]

可以私自練習，唔受外人影響。有人用來bug。

練習模式 [編輯]

會提供熱身地圖（包括：競賽、跳躍、跨欄、拼圖）及生存者地圖（包括：章魚、蜥蜴、大白鯊）練習。

時間挑戰（TimeAttack） [編輯]

同練習模式地圖相同，但進場要畀50-200TR（視乎地圖難易度），好似極速競賽需50TR，踩死Dr.Hell要200TR，而且會留低頭三名嘅紀錄，如果進入頭三名會有公告顯示你係邊個地圖嘅邊個玩家留低紀錄。台版每個月1號會更新一次紀錄。Dr.Hell亦提供時間挑戰。而家港版因為有人用外掛破紀錄，所以已經冇咗時間挑戰。

任務模式 [編輯]

畀玩家自己完成嘅任務，唔受別人影響。有3種任務：新手任務、地獄入場權任務、3王任務。

新手任務

而家，所有版本都有新手專用嘅新手任務。總共有7個任務，一定要喺指定時間完成，唔係嘅話就要再來多次。新手任務係由7個小遊戲（教學）組成：

落地向前衝
使用道具
跨欄
跳躍
中驚嚇盒子，過老虎
踩怪物
游水（避過旋渦）、爬繩及滑雪

完成任務後就會根據角色而畀玩家隨機選擇時限道具。

Dr.Hell入場權任務

韓、港同台版都有Dr.Hell頻道嘅前置/入場權任務。一定要係紅襪或以上先可以進入Dr.Hell任務。呢啲任務係由9個非常困難嘅任務組成：

任務1：爬繩（難於好難對準繩索）<完成時間：32，精通時間：24>
任務2：中彈弓，爆老虎（難於若果反衝唔到就會拖慢、有啲人唔識0秒爆）<完成時間：34，精通時間：29>
任務3：跳躍（難於跳板嘅面積細，好難對準）<完成時間：33，精通時間：26>
任務4：中彈弓（難於若果反衝唔到就會拖慢）<完成時間：47，精通時間：42>
任務5：踩撲克（難於好難對準嚟踩）<完成時間：55，精通時間：36>
任務6：上車過電（難於好難避開電）<完成時間：42，精通時間：33>
任務7：避過掌風（難於避過掌過同記位）<完成時間：85，精通時間：58>
任務8：滑窄雪（難於對準地滑）<完成時間：47，精通時間：40>
任務9：踩死Dr.Hell（難於避過大石）<完成時間：70，精通時間：40>

玩家一定要喺完成時間前玩完，唔係嘅話就要由頭再玩。玩完所有任務，可獲得Dr.Hell入場權利，可以入Hell頻道玩。將所有任務精通，可以攞Dr.Hell圍巾（30日使用權）。

寵物 [編輯]

憤怒之火-69000TR

浮游喺平空中嘅憤怒之火，周圍搵競爭對手，佢並唔鍾意阻住或者攻擊對手，腦海裏面只係會不停咁唸，點樣可以贏。

自由之風-180點

睜大隻眼隨時保護佢嘅主人，保護主人更安全咁去跑步，並喺危機時刻同主人一齊施展憤怒發揮更強烈嘅能力。

- LV1 開始遊戲嗰時，唔會被對手踩到或者彈走。嬲嗰時角色週邊範圍會爆發變身煙霧，令路過嘅對手變做各種動物。
- 個人賽頭3名TR、經驗值 +25%
- 贏出團體戰 TR +10%

- LV2 開始遊戲嗰時，唔會被對手踩到或者彈走。嬲嗰時角色週邊範圍會爆發大規模嘅變身煙霧，能夠準確將對手變成烏龜或青蛙。
- 個人戰頭3名TR、經驗值 +50%
- 贏出團體戰TR +20%、經驗值 +10%

- LV3 開始遊戲嗰時，唔會被對手踩到或者彈走。嬲嗰時角色週邊範圍會爆發大規模嘅變身煙霧，能夠準確地將對手變成鯉魚餅。
- 個人戰頭3名TR、經驗值 +80%
- 贏出團體戰TR +30%、經驗值 +20%

幸運之星-200點

由神秘嘅宇宙飛來嘅小星星，擁有不可思議嘅能力，配戴後可以提升個人幸運值，夢想係成為一粒飛得超快嘅流星。

- Lv 1 同跑者喺埋一齊期問同等級無關，都係適用幸運+20%。1-[個人戰]同等級無關TR、經驗值 +[0~20%]。2-[團體戰、接力賽]同等級無關TR、經驗值 +[0~10%]。
- Lv 2 同跑者喺埋一齊期問同等級無關，都係適用幸運+40%。1-[個人戰]同等級無關TR、經驗值 +[0~40%]。2-[團體戰、接力賽]同等級無關TR、經驗值 +[0~15%]。
- Lv 3 同跑者喺埋一齊期問同等級無關，都係適用幸運+77%。1-[個人戰]同等級無關TR、經驗值 +[0~77%]。2-[團體戰、接力賽]同等級無關TR、經驗值 +[0~30%]。

富貴小豬-200點

飛天小豬最鍾鍾意跟住主人散步，可惜跑得唔快，所以佢成日都捉住一支火箭希望可以跑快啲。可以為主人增加財富。利用豬設計寵物嘅原因，係因為當時係中國嘅豬年。

- Lv1[追加功能]：遊戲開始嗰時嘅一定時間內無敵（唔會被踩到或彈出去）。用富貴小豬期間，同等級無關可得到TR+30%。
- Lv2[追加功能]：遊戲開始嗰時嘅一定時間內無敵（唔會被踩到或彈出去）。用富貴小豬期間，同等級無關可得到TR+55%。
- Lv3[追加功能]：遊戲開始嗰時嘅一定時間內無敵（唔會被踩到或彈出去）。用富貴小豬期間，同等級無關可得到TR+100%。

小福

喺鴻福堂新寵小福加入（跑online），陪伴喺主人身邊（但係而家冇得出）。

吉尼-200點（韓國可以喺鍊金術商店買69000TR）

鍊金術配方唔鍾意落後，自由奔放、調皮搗蛋嘅速度精靈（全部角色共同使用）。

- Lv 1 遊戲開始嗰時嘅一定時間內無敵（唔會被踩或彈開）。配戴吉尼期間同等級無關，可以獲得一定比例嘅TR紅利經驗值 +15% 及力氣 +1。
- Lv 2 遊戲開始嗰時嘅一定時間內無敵（唔會被踩或彈開）。配戴吉尼期間同等級無關，可以獲得一定比例嘅TR紅利經驗值 +30% 及力氣 +1、最高速度 +1。
- Lv 3 遊戲開始嗰時嘅一定時間內無敵（唔會被踩或彈開）。配戴吉尼期間同等級無關，可以獲得一定比例嘅TR紅利經驗值 +50% 及全部能力 +1（最高速度、加速度、力氣、控制）。作為水嘅精靈，為咗從外部保護主人，而犧牲自己嘅忠實嘅寵物全部角色共同使用）。

水精靈-165點
- Lv 1 遊戲開始嗰時嘅一定時間內無敵（唔會被踩或彈開）。被巫毒娃娃攻擊時，持續時間 -15%。配戴水精靈期間同等級無關，可以隨機獲得Bonus TR +0~100及Bonus 經驗 +0~10。
- Lv 2 遊戲開始嗰時嘅一定時間內無敵（唔會被踩或彈開）。被巫毒娃娃攻擊時，持續時間 -30%。配戴水精靈期間同等級無關，可以隨機獲得Bonus TR +0~200及Bonus 經驗 +0~20。
- Lv 3 遊戲開始嗰時嘅一定時間內無敵（唔會被踩或彈開）。被巫毒娃娃攻擊時，持續時間 -50%。配戴水精靈期間同等級無關，可以隨機獲得Bonus TR +0~300及Bonus 經驗 +0~30（全部角色共同使用）。

熊貓（隱藏寵物，韓國可以喺商店買1lv）

奧運聖火3lv（神聖之火）（VIP寵物）（韓國可以喺商店買1lv）

VIP 寵物-神聖之火，擁有神聖身份嘅火之精靈，好勝心非常強（適用於所有角色）。

- 追加能力
  - 開始遊戲嗰時，無論喺邊都唔會俾對手踩到或彈走。
  - 憤怒時憤怒持續嗰時 +50%
  - 8人房中淘汰掉所有對手，TR經驗值 +210%
  - 接力賽淘汰所有團隊，TR經驗值 +110%
  - 身上擁有神聖之火，就可以即時享有VIP各優惠。

由於系統會根據會員之嘅VIP會籍去回收神聖之火，因此玩家唔使進行任何餵食動作。

神聖之火冇得升級。

不安的土精靈（大運動會寵物）（韓國可以喺商店買1lv）

每期大運動會完結之後，喺個人積分排行榜頭1000位嘅玩家即可得獎。如果符合獲獎條件嘅玩家身上已有"土精靈"回復100%飽食度。

土精靈

要「不安的土精靈」加百幾點鍊金出來。

魔龍（有好多隻，重有好多種）

要先用18點係「魔龍訓練所」抽一隻出來（三日使用權），之後用點或者6m幾TR練成寵物。

幽靈寵物（起碼有8隻但未出晒）

幽靈寵物包括「幽靈魔龍」、「幽靈幸運之星」、「幽靈床單貓咪」、「幽靈水精靈」、「幽靈富貴小豬」、「幽靈吉尼」。

其他寵物（特別或限時買）

「草泥馬」、「幽靈之女」、「彊屍仔」等。

扭蛋寵物 [編輯]

扭蛋寵物有天使扭蛋寵物和同埋惡魔扭蛋寵物。

除咗可以喺扭蛋機抽之外，亦可以係HotTime度拎。

卡通片寵物 [編輯]

流氓兔-200點
- LV1 開始遊戲時，唔會被對手踩到或彈走。
- TR、經驗值 +20%。
- 躲避鐵桶+10%。
- no jump攻擊時間-10%。
- 團體戰、接力賽勝利時 TR +20%。

熊爸爸-200點

天使海膽君-200點

惡魔海膽君-200點

草莓（韓國可以喺商店買1lv）

西瓜（韓國可以喺商店買1lv）

Hello kitty（韓國，可以喺商店買）

Melody（韓國，可以喺商店買）

肉桂狗（韓國，可以喺商店買）

XO仔（韓國，可以喺商店買）

海綿寶寶（韓國，可以喺商店買）

國戰寵物 [編輯]

天使寵物-國戰1500分
- 國戰鍊金術配方
- 需要特別的材料-5000分
  - 天使的羽毛
  - 天使的眼睙
  - 天使的結晶
  - 天使的氣息
  - 天使的標記
  - 天使的心
  - 天使之粉
  - 天使的光圈

惡魔寵物-國戰1500分
- 國戰鍊金術配方
- 需要特別的材料-5000分
  - 惡魔的羽毛
  - 惡魔的眼睙
  - 惡魔的結晶
  - 惡魔的氣息
  - 惡魔的標記
  - 惡魔的心
  - 惡魔之粉
  - 惡魔的角

惡魔、天使寵物能力值：最高速度+1、速度+1、力量+1、控制+1，憤怒持續時間+20％

限時寵物 [編輯]

閃亮的小豬（7/30日使用權）-hottime/TR Fun儲分樂50分/100分
神聖之火（30日使用權）VIP

鍊金術 [編輯]

當一場結束後玩家將會隨機得到卡片，得到卡片嘅機會率同等級則以幸運值而定。如果幸運值高甚至有機會得到兩張卡。卡片可以攞去整鍊金裝，鍊金術（圓、三角形、正方形組成嘅符號掣）嘅項目內購買配方嘅項目上有「材料」掣，一撳可以得知此道具需要邊啲卡片。

收集到足夠嘅卡片後購買配方再到左邊選項嘅「組合」，選擇一個已購買配方同收集到足夠卡片嘅道具開始組合，之後就會組合出道具。擁有一階嘅組合道具可以買二階嘅配方（可以參考購買配方畫面嘅樹狀圖），要注意二階道具亦需要一階道具做材料，所以一階道具會消失，如此類推。煉金出嘅裝備有耐久度，耐久度冇咗就會用唔到，但係道具唔會消失（若果有下一階嘅話，就算冇耐用度都可以升級），可以買修理道具回復耐久度，亦可以攞佢做材料組合更進階嘅道具。「我的包包」選項就可以查看你擁有邊啲卡片，每張卡片可以組合成一個故事情境，注意每種卡片最多淨係得99張，如果其中一種卡片有99張就算收集到呢種卡片都唔會加。鍊金術卡片及配方相冊

公會 [編輯]

每個公會都有一個或以上嘅會員。有啲公會允許隨便加入或退出，但係有啲公會加入後冇得退出。

公會成日會搞唔同嘅活動，會員就可以透過比賽，贏取點數，獎品等。

喺遊戲顯示公會名係台版同港版獨有嘅項目，擁有官方嘅公會專用討論區（forum）。

但係而家多咗個騎土團，所以冇咗個公會。

公園 [編輯]

女神公園（香港/台灣/韓國/泰國） [編輯]

女神公園裏面有一個好靚嘅湖，傳說曾經有一位樵夫唔小心將自己嘅斧頭跌入湖，有位女神為咗考驗樵夫誠唔諴實，喺湖裏面搵咗一把金斧頭同埋一把銅斧頭畀樵夫揀。誠實嘅樵夫選番屬於自己嘅銅斧頭，女神為咗獎勵樵夫就將金斧頭同埋銅斧頭送咗畀樵夫，自此樵夫唔使再咁辛苦破柴賺錢。過咗好耐，大家開始唔記得女神同樵夫嘅故事。有一日，清純可愛嘅莉娜突然之間啞左，搵名醫都醫唔到，當傷心嘅莉娜單獨嚟到女神之湖，女神再次出現喺佢嘅面前…

女神任務（香港獨有）：

故事：莉娜突然失聲，點都醫唔好！只要為女神完成心願，就可以獲得女神嘅祝福。而達到任務目標，就可以攞到女神水晶球，並且得返女神把音（香港歌手鄧麗欣配音）。

去大湖上小湖嘅右邊，搵穿著白衣嘅女神。（本來嘅位置改成一部琴）
一定要用莉娜。
接受任務之後，喺鋪頭買水晶球（7日20點、30日60點、365日500點）。
買咗之後，可以搵女神，接過水晶球，莉娜把聲會變咗做女神把聲，時間係購物水晶球嘅日數。

結婚 [編輯]

目前得港版同台版有呢套系統。如果要向人求婚，要買戒指，同埋講求婚者嘅名，如果被求婚者接受，2人嘅關係就永遠維持（除咗離婚）。已婚人士可以隨時租用30日禮服，男性角色要300,000TR，女性角色要350,000TR^[1]

角色琪琪同埋軒少可以喺跑online商店用點數買結婚禮服（可以唔使結婚）。

而家跑online亦提供「離婚系統」，方便一啲已經同對方離異嘅玩家。

港版各款「情侶珠寶盒」及「情侶戒指」詳情如下（「情侶珠寶盒」及「情侶戒指」係永久道具）：

珠寶盒	可轉換戒指	結成情侶日數	追加能力
NEW情侶戒指 \| 1日或以上 \| 無
2DAYS情侶珠寶盒	Love情侶戒指	2日或以上	情侶戴情侶戒指一齊跑步，經驗值 +5%
22DAYS情侶珠寶盒	銀色蝴蝶結情侶戒指	22日或以上	情侶戴情侶戒指一齊跑步，經驗值 +10%
50DAYS情侶珠寶盒	紫水晶情侶戒指	50日或以上	情侶戴情侶戒指一齊跑步，經驗值 +15%
100DAYS 情侶珠寶盒	紅色愛心情侶戒指	100日或以上	情侶戴情侶戒指一齊跑步，經驗值 +20%及TR +20%
200DAYS 情侶珠寶盒	永遠之愛情侶戒指	200日或以上	情侶戴情侶戒指一齊跑步，經驗值 +40%及TR +40%

遊戲出現嘅問題 [編輯]

台灣

洗錢同經驗值/鍊金卡片：有啲玩家想不勞而獲就偷偷喺半夜鎖房洗錢，經驗值同卡片。開按鍵精靈或其他連點程式掛網唔郁。又有人開咗房名為「30秒停」嘅生存房洗卡。
用不合法程式進行遊戲：外掛歷史比港版耐。最初係賣掛網外掛，但係好少遇到。而一啲港版玩家帶來咗無限氣同快速完成比賽外掛，流入台版並且散播。
偷帳號：可能係因為賣外掛趁機散播木馬，重有人盜帳號後貼出個帳號嘅登入網頁，咁無論點改密碼都可以用呢個網頁登入，但係快速登入喺現時嘅版本已經無效。
玩家自訂規則：有玩家利用房名打入「禁踩」「禁撞」「禁胖（大隻仔）」等等規則房，台灣嘅玩家大多數會遵守室長嘅規定，但係如果唔小心踩到人常常會有人鬧人。最近寵物系統出來重有「禁到終點」嘅規則。所以亦有啲人發出「無限制房」抵抗。

香港: 基本上，香港大多問題都同台灣相似，而且粗口嘅問題更嚴重。

洗錢同經驗值：同台版一樣，港版同樣有洗錢同經驗值嘅問題。七色小飛鞋活動期間尤其嚴重，但係通常都會被官方停權。
洗卡：同台版相似，多數以「25秒停」、「洗卡房」嘅生存房洗卡。香港特有接力賽來洗，例如（A win 可bug 10S）等。
玩家自訂規則：有玩家利用房名打入規則開規則房，常見有「禁大隻仔/大隻西/大舊衰/死肥仔/明明外/大隻踢/九人鎖/禁力裝」等等生存房。大多數都唔會，房主會將違規嘅玩家強制離開。
但係都有一啲比較好，例如「唔踢人~/咩人都入得」等字眼，但係有時呢啲係大話，所以唔好信晒個場主。
而玩家都會洗錢、洗卡，但係會光明正大噉喺房名標明「洗卡/洗錢房」令想做同樣嘅嘢嘅人一齊洗。但係GM多數唔理。
用唔合法程式進行遊戲：有少部分玩家，利用唔合法嘅程式進行遊戲，呢啲玩家會以0.01秒嘅時間完成比賽，然後就可以破紀錄。呢啲玩家嘅行為令港版嘅TimeAttack（時間模式）出現極之嚴重嘅錯誤（喺2007年4月中經常發生），即係喺遊戲畫面上不停出現：某玩家已經喺某地圖破咗新嘅紀錄，影響其他玩緊嘅玩家。官方人員已經將用戶永久封鎖，但係封鎖後有啲人又重開帳號又再出現。官方人員正考慮改善方法，並喺2007年4月11號暫停TimeAttack記錄服務。2007年4月12號為咗將外掛清除而停機到2007年4月13號中午。為補償玩家喺停機維護期間嘅損失，凡喺3月13號00:00到4月12號下線前消耗過點數嘅帳戶，將會獲得10點點數作補償同雙倍經驗值至4月18號下線維修為止。並將會重置所有TimeAttack記錄，同時開始最新一次極速跑手活動，紀錄保持者將會獲得港幣$1000現金獎。
偷帳號：同台灣唔同，唔係利用木馬病毒等，而係將自己扮成GM（工作人員）或交換帳號密碼，然後問人帳號及密碼，現時官方已貼出告示，指GM係唔會問人帳號及密碼。
官方麻鷹：先後有官方麻鷹假扮官方管理員向玩家問取帳號及密碼，以至論壇管理員無限期停止「麻鷹教雞仔」活動，不過家陣喺「麻鷹教雞仔」呢項活動再次試用，如果想申請，就要去香港跑online討論區申請。

外掛問題 [編輯]

跑online 一直受到外掛影響，大大影響佢嘅名聲，香港嘅跑online 引入 HackShield 防外掛系統，但裝咗等於冇裝，外掛重係極多，令好多玩家嘅電腦當機，令玩家長期受到 lag 機影響玩跑online嘅感覺。

常見Nprotect(GameGuard)所引致嘅損害 [編輯]

nProtect（GameGuard）可能帶來好多喺系統上嘅麻煩，但喺部份防毒軟件攔截下，nProtect（GameGuard）自身亦可能受到損害。以下係玩家常見安裝nProtect（GameGuard）後可能引致嘅損害：

電腦異常極度遲緩（lag機）
電腦異常閂機
電腦自己重新開機
開唔到遊戲畫面
作業系統受破壞
中央處理器受佔領
令玩家雙/單核心中央處理器（CPU）出現唔正當操作
擅自重新編寫程序
無線局域網或某啲外部工具用唔到
操作被監視或剽竊
部份文件可能被刪除
NProtect（GameGuard）亦同Windows Vista喺運行上有衝突，除咗出現操作唔正常嘅情況之外，亦可能導致作業系統被微軟當係翻版。

喺香港跑online情況下，以上損害可能全部都會發生。

參考 [編輯]

↑ 永結同心－－港版官方網站

連出去 [編輯]

韓國TalesRunner官方網站－因網絡審查台港地區睇唔到，但目前可以用無界網路等破網軟件瀏覽。
香港跑Online官方網站
香港跑Online官方討論區
中國超級跑跑官方網站
中國超級跑跑官方討論區

[1] 永結同心－－港版官方網站

[1]