路氹邊檢大樓
路氹邊檢大樓喺路氹城蓮花路，係澳門同中國廣東省珠海市兩個陸路出入口口岸嘅其中一個，經蓮花大橋去到橫琴口岸嗰度過關。目前已停用，由新建口岸横琴口岸替代。
經過[編輯]
- 路氹邊檢大樓喺2000年3月跟住蓮花大橋通車而開關，係第二個澳門同珠海市連接嘅陸上交通口岸。路氹邊檢大樓嘅落成，分流咗關閘邊檢大樓嘅遊客入嚟澳門。
- 路氹邊檢大樓過關同關閘邊檢大樓唔同，行人係唔可以經蓮花大橋行路過去橫琴口岸，所以過關嘅人都要搭指定巴士去到對面嘅邊檢大樓。而岐關同澳巴就有提供蓮花口岸專線巴士來回服務，車費用人民幣、澳門幣或者港幣都係三蚊，除咗可以畀現金之外，重可以用澳門通畀，但係就冇車資優惠。
- 喺2005年9月17號開始，由於珠海市橫琴口岸嘅出入境大堂出現咗結構問題，所以就搞到路氹邊檢大樓陪佢一齊關閉，但係開車過關嘅通道就冇關閉照樣服務。之後到2007年5月1號先重開。[1]
- 由2014年12月18號開始，路氹邊檢大樓改為全日二十四小時開放。
- 2020年8月18號下晝3點，橫琴新口岸正式運作啟用，路氹邊檢大樓同時正式停用，由橫琴新口岸入邊嘅橫琴口岸澳門口岸區取代。
睇埋[編輯]
攷[編輯]
- ↑ （簡體中文）珠海横琴口岸「五一」恢復開關 互聯網檔案館嘅歸檔，歸檔日期2009年3月4號，.
