車仔麪

出自維基百科,自由嘅百科全書
跳去: 定向搵嘢
港式車仔麵,配料分別係豬紅、魚蛋同牛柏葉,仲有咖喱湯底。

車仔麪香港好多人鍾意嘅一款,上面都係放一啲平價料送來食。開頭係街邊小販推架車仔木頭車,響邊度賣,唔係好乾淨,所以又叫做嗱喳麪。因為夠晒平,所以有唔少人幫趁。以2006年來計,大概係十幾蚊一餐到,睇下要幾多料。

家下無咁多小販,唔少車仔麪都唔再係推車仔,而係響舖頭賣,有時有重會有貴價料㖭。

起源[編輯]

車仔麪大概1950年代出現,二次大戰國共內戰之後無幾耐。呢個時間香港市民生活都幾苦,唔少人都係大陸走難落來香港。唔係咁易搵到嘢做,所以好多人做小販攞檔,其中唔少小販係推架木頭車出來賣咖喱魚蛋同車仔麪。

車仔[編輯]

車仔就係木頭車,車裏面有鋼或者其他金屬做嘅,打橫打直分成一格格。每格放唔同,麪。另有一格係用來煮。木頭車裏面就裝石油氣爐,以前可能係火水爐,開火㷫住啲湯料同煮熟來賣。

[編輯]

一個麪可以配唔同料。買嘅人可以任揀。料就檔檔都唔同。常見有豬紅豬皮豬大腸蘿蔔紅腸雞翼燒賣牛丸魚蛋獅子狗丸雲吞粉腸蟹柳冬菇墨魚丸牛腩等等。

[編輯]

麪多數係粗麪,但係亦都可以揀幼麪雲吞麪河粉烏冬公仔麪伊麪。睇下間舖有無。