郭得勝

出自維基百科,自由嘅百科全書

郭得勝1911年3月12號1990年10月30號)係香港新鴻基地產其中一個創辦人。廣東省中山人,家族經營雜貨批發等等,二次大戰之後嚟到香港。

商業經營簡歷[編輯]

1952年,郭得勝創辦咗鴻昌進出口公司經營洋貨批發,眼光獨具,睇到香港當時興盛嘅成衣業嘅前景,攞到日本YKK拉鏈香港嘅獨家代理權,生意興隆,有「洋雜大王」嘅稱號。

1958年,郭得勝、李兆基同埋馮景禧一齊開咗永業企業公司,去打入地產業發展。1963年,三人一共投資咗100萬港元開咗新鴻基公司

1990年,郭得勝死後,新鴻基地產市值已經去到254億港元,比初初上市嘅時候增長咗62倍。

1990年10月30號上晝11點23分,郭得勝喺養和醫院因為心臟病發而逝世,終年79歲,11月5號香港殯儀館出殯,隨即送去將軍澳華人永遠墳場土葬

屋企[編輯]

郭得勝一生人結咗兩次婚,第一位老婆係黃秀瓊,第二位係鄺肖卿。佢同鄺肖卿生咗3個仔3個女,包括大仔郭炳湘、二仔郭炳江、細仔郭炳聯、大女郭燕萍、二女郭婉君同埋細女郭婉儀,其中第一位老婆黃秀瓊、大女郭燕萍同埋二女郭婉君都早過郭得勝死。

用佢個名嘅嘢[編輯]

睇埋[編輯]

出面網頁[編輯]