鄒文懷

出自維基百科,自由嘅百科全書
跳去: 定向搵嘢

鄒文懷GBS1927年—),香港人,嘉禾集團前任主席兼執行董事。

生平[編輯]

鄒文懷係1927年喺香港出世,1949年喺上海聖約翰大學新聞系畢業,曾經喺《英文虎報》做記者。1959年加入邵氏做傳訊主任,後來又做埋製片主任。

佢因為唔妥邵氏個人工制度,決定喺1970年離開邵氏,同何冠昌、梁風組成嘉禾電影

嘉禾電影喺七、八十年代先後捧紅咗李小龍同埋成龍,曾經一度揚威國際。但喺九十年代因為電影市道轉差,公司年年虧蝕,被迫轉型,喺大陸一啲商場經營戲院。

2007年,鄒文懷宣布出售嘉禾娛樂嘅所有股權畀內地富商伍克波,並且宣布退休。其後,嘉禾娛樂喺2009年改名為橙天嘉禾。

榮譽[編輯]

[編輯]