完顏守緒

出自維基百科,自由嘅百科全書
(由金哀宗跳轉過嚟)
完顏守緒
出生日1198年9月25號 喺Wikidata改呢個
死亡日1234年2月9號 喺Wikidata改呢個 (35歲)
死因吊頸 喺Wikidata改呢個
國籍 喺Wikidata改呢個
職業aristocrat 喺Wikidata改呢個
配偶Empress Tudan 喺Wikidata改呢個
阿爸完顏珣 喺Wikidata改呢個
阿媽Empress Minghui 喺Wikidata改呢個
兄弟姊妹Q16075399、Q10947919、Q10947920 喺Wikidata改呢個

金哀宗完顏守緒1198年9月25號1234年2月9號),女真寧甲速,係金朝第九個皇帝(由1224年1月15號做到1234年2月9號,做咗10年)。佢喺金朝就快亡國嘅時候上吊死,享年37歲。

生平[編輯]

哀宗喺金承安三年八月二十三日(1198年9月25號)出世,開頭叫做守禮,係金宣宗三仔,阿媽係明惠皇后。因為皇太子守忠同埋皇太孫都早死,於是喺貞祐四年(1216年)正月,宣宗立守禮做皇太子,同年賜名守緒。元光二年十二月(1224年1月),宣宗死咗,守緒繼位,是為哀宗。正大元年(1224年)六月立妃徒單氏做皇后。

哀宗本來算係一個有作為嘅皇帝,即位後,鼓勵農業生產,唔再侵略,又同西夏修好,推行內部改革,剷除奸佞,重用抗名將,收復咗唔少地,令到金朝呈現一片全新景象。但係嗰時蒙古勢不可當,正大四年(1227年)滅西夏之後就全力滅金。

天興元年(1232年)嘅三峰山之戰,金軍主力打輸仗,金國幾難唔滅亡。之後,蒙軍南下圍汴京,哀宗喺十二月離開汴京,過咗黃河,去到歸德(家下河南商丘),最後到咗蔡州(家下河南汝南),但係蒙古大將史天澤一路咬住唔放,喺蒲城殲滅完顏白撒八萬精兵。天興二年(1233年)八月,蒙古叫宋兵攻唐州(家下河南唐河),哀宗想同宋求和,派使者同宋人講:「蒙古滅國四十,以及西夏,夏亡及我,我亡必及宋。唇亡齒寒,自然之理。」宋人唔理。天興三年正月己酉(儒略曆1234年2月9號),宋蒙聯軍攻破蔡州,哀宗唔想做亡國君,將皇位傳畀將軍完顏承麟,自己喺蔡州幽蘭軒吊頸自殺。末帝完顏承麟知道哀宗死咗之後,「率群臣入哭,諡曰哀宗」,「哭奠未畢,城潰。」末帝同一日死埋,金亡。

參考[編輯]