金大中
提示：呢篇文講嘅唔係金大莊。
金大中（粵拼：gam1 daai6 zung1；韓文：김대중／金大中 Kim Dae Jung，1924年1月6號—2009年8月18號），號後廣（韓文：후광），乳名忍冬草（韓文：인동초），係韓國政治人，金海金氏後人，韓國第15任總統。因為專注民主同人權鬥爭，啲人尊稱佢做「亞洲孟德拉」，佢仲響2000年拎到諾貝爾和平獎[1]。
佢響未做政治人之前，原先係個生意人，響韓戰之後「棄商從政」，後嚟佢做咗最大反對黨領袖[2]。但係響朴正熙、全斗煥獨裁時代，曾經多次畀政府監禁、流放、謀殺、判死刑種種迫害，其中仲判金大中坐監六年同埋軟禁十年[2]。但係佢冇放棄，終於響1997年當選做韓國總統，響1988年宣誓就任[2]。