金融

出自維基百科,自由嘅百科全書
跳去: 定向搵嘢

金融,又叫做財經,係研究點樣,分配同點樣用錢財。響唔同時間,會考慮埋佢個風險。金融係可以個人,商業同團體嘅。打理錢財亦都叫財務

一般來講,金融係包呢幾方面:

  • 研究錢同埋其他財產。
  • 管理控制財產。
  • 分析管理財務風險。
  • 同業務籌錢。

基本概念[編輯]

金融係點樣用技巧去管理個人同法人財務,尤其睇重喺收入支出嘅差異,同埋投資風險。

一者收入多過支出嘅話,佢可以借錢出來,又者用多咗嘅錢投資。相反,少過嘅話,佢可以借人錢,又或者賣資產,用少啲錢,或者搵多啲錢。借錢人可以搵想借錢嘅人,中間可以搵中介人,好似銀行,又或者債券市場債券。借錢畀人可以收利息,借人錢嘅息高過借畀人嘅息嘅話,中介人就可以袋埋中間差價。

銀行集合咗借貸活動。銀行一邊收借錢人存款,畀利息佢;另一邊就將存款借畀人。咁銀行就可以協調唔同大小借貸。空間來睇,銀行可以補足唔同地方嘅借錢人同貸款人。而時間來睇,佢補足唔同時嘅借貸,因為理論上,借人錢都會還。

機構來講,佢可以賣股票投資銀行,而投資銀行會轉手賣畀公眾。股票分咗機構嘅擁有權。例如一間公司總共有一百股,你有一股就佔公司百分一。你有百分一公司嘅資產負債差。公司賣股票出來嘅錢,可以用來搞大業務。除咗股票之外,亦可以賣債券集資。

財務關係到個人、政府、公司同埋各個機構,點樣用到金融工具達到佢哋嘅目標。