銀紙

出自維基百科,自由嘅百科全書
跳去: 定向搵嘢
Zahlungsmittel.JPG

銀紙,或者叫紙幣鈔票,係指用軟身嘅嘢(通常係)整出嚟嘅貨幣,由國家出嘅強制使用嘅貨幣符號。銀紙本身冇價值,雖然作為貨幣嘅一種,但佢唔可以直接行使價值尺度職能,而係由國家對佢嘅面值進行定義。同銀仔相比,銀紙面值通常係高啲。

銀紙係當今世界各國普遍使用嘅貨幣。紙幣最早喺中國出現,大宋交子會子,作為類似今日匯票嘅功能,係銀紙嘅前身。而正式發行廣泛流通嘅銀紙係喺元朝,被稱為,但喺元末至正年間,由於印得太多紙鈔,造成嚴重通貨膨脹(其實喺大宋時期就出現過濫發交子、會子而令佢哋嚴重貶值)。

現時嘅銀紙係要有足夠儲備先至出得,香港銀紙就係用外匯儲備來支持個幣值。由於外匯儲備有一個固定數目,所以銀紙發行量亦受控制,最佳方法就係用一個冧巴去計銀紙嘅發行量,故此銀紙上面會有鈔票冧巴。如果一個地方出得太多而外匯儲備唔足以支持,貨幣就會貶值。另外,鈔票持有人只須將銀紙攞去發鈔銀行,發鈔銀行就有責任畀持有人「憑票即付」等值嘅外匯,所以鈔票冧巴亦係一個統計同埋防偽資料。

睇埋[編輯]

連出去[編輯]