鋤大弟

出自維基百科,自由嘅百科全書

鋤大弟co4 daai6 di2[註 1]英文Big Two),又寫成鋤大Dee鋤大D,係風行大中華)嘅啤牌遊戲,通常四個人同時玩,每位首先獲隨機派牌十三張。出牌時可以出一隻、兩隻(啤)、三隻(3條),或者五隻(蛇、花、葫蘆、4條及同花順),最先打嗮手上嘅牌就贏。

每局開始,由上局贏家行頭話事(首局就由手中有階磚3一家行頭)。話事一家可以揀,出一隻、兩隻,三隻,或者五隻(首局行頭牌必須要包括階磚3)。下家跟,就出隻數一樣,比上家大嘅牌。唔跟或者冇得跟,就叫Pass。邊家出牌,其餘三家都唔跟,就可以話事,再出任何一隻、兩隻、三隻或五隻。邊一家出到手上只剩一隻牌,出聲叫 Last Card。下家Last Card,上家出牌要頂大,打手中最大個隻牌。最先打嗮全部牌就贏一局。輸家數手上剩低嘅牌。剩十隻以上抄雙(雙計),剩十三隻抄三(三計)。

牌大細[編輯]

五隻[編輯]

牌形:同花順> 四條> 葫蘆(Full House)> 同花> 蛇

牌形相同 - 四條、葫蘆:比四隻或三隻一樣嘅牌,字嘅大細: > > > > > 10 > 9 > ...... > 4 > 3

牌形相同 - 同花順、蛇:比最大一隻牌字嘅大細: > > > > > 10 > 9 > ...... > 4 > 3 。若果相同,比第二大牌字嘅大細,如此類推。五隻牌字大細都相同,比最大牌花嘅大細:葵扇 > 紅心 > 梅花 > 階磚

牌形相同 - 同花:任何5隻牌同花但數字唔連續。注意同花有2種計法。1) 以花色來計算等級,若果花式一樣,以最大點數比較。例如葵扇 > 紅心 > 梅花 > 階磚。2) 以5隻中點數最大嘅作等級比較,若果最大嘅點數一樣,就以第2大嘅點數比較,如此類推。 例如葵扇弟-4-5-6-8係大過紅心煙-傾-囡-10-8。

三隻、雙隻、單隻[編輯]

字嘅大細: > > > > > 10 > 9 > ...... > 4 > 3

花嘅大細:葵扇 > 紅心 > 梅花 > 階磚

最大嘅牌係葵扇弟,最細係階磚3。

[編輯]

  1. 「弟」嘅廈門泉州閩南話讀如粵語di2音,調類係陽平而調値24或35;汕頭潮州閩語亦讀粵語di2音,調類係陽上而調値35;南寧粵語亦讀粵語di2音,調類係陰上而調値35。[1]「弟」讀如粵語di2,應屬彷閩南話讀法。「弟」有徒禮/待禮切,屬陽上調[2],卽同閩南話調但閩調類或異。電視劇季節內唐家偉、唐家禮分別叫做大Dee、細Dee,兄弟排行第二、三,劇內「Dee」音卽訓弟。

參考[編輯]