長江基建集團有限公司(簡稱長江基建、長建,港交所:01038)係長江集團旗下主力喺交通基建、能源基建同基建材料等等業務嘅公司。主要股東係長江和記實業,主席係李澤鉅,副主席係霍建寧同埋葉德銓,集團董事總經理係甘慶林。
1997年7月31號成為恆生指數成份股。但係因為股份成交量一直低迷,唔可以對香港股市起到代表性,2008年6月10號起,又被踢出恆生指數成份股。相隔八年之後,2016年3月14號被再次納入恆生指數。